"வியாபஹி"

விஜய், அஜித், சூர்யாவுக்கு எச்சரிக்கை... :ஸ்டீவென் ஸ்பீல்பெர்க் வைக்கபோறார் ஆப்பு !!!...

2011-11-09T18:01:00.000+05:30

உங்களில் யார் அடுத்து சூப்பர் ஸ்டார் என்ற தமிழ் திரையுலக ஹீரோக்களுக்கான தீராத கனவுக்கு நடிகர்கள் விஜய், சிம்பு, தனுஷ் உள்ளிட்டோர் போட்டி போட்டுக்கொள்ளும் இந்த தருணத்தில் இவர்கள் அனைவருக்கும் ஒட்டுமொத்த போட்டியாக ஒரு புது ஹீரோ வரவிருக்கிறார். ஹாலிவுட், கோலிவுட், மற்றும் போலிவுட் ஹீரோக்களை கிறங்க அடிக்க போகும் இந்த ஹீரோவுக்கு என்றுமே வயது 17 .

இந்த ஹீரோ தமிழ் பட ஹீரோயின்களை போல அல்லாமல் எல்லா மொழிகளையும் நன்கு அறிந்தவர், எல்லாம் வல்லவர், யோகா, சண்டை, நடனம் என்று பலதுறைகளிலும் வித்தகர், சிக்ஸ் பேக் காட்டாத தன்மான சிங்கம் .

சிறுவயதில் என் கனவுகண்ணன். இப்போதும் இளையோர்களை சுண்டி இழுக்கும் மன்னன்,

மார்கழி மாதம் விடுமுறைக்கு பஞ்சமில்லை. அந்த விடுமுறையை ஆவலுடன் எதிர் பார்க்கும் சிறுசு மற்றும் பெருசுகளுக்கு ஒரு இனிப்பான செய்தி.

வருகிறான் "டின் டின்"...

யார் இந்த "டின் டின்"?

பெல்ஜியம் நாட்டை சேர்ந்த "ஹெர்ஜ் " என்று அழைக்கப்படும் கோஜெர்ஸ் ரெமி (1907 - 1983) என்ற ஓவியரின் கற்பனையில் உருவான கதாபாத்திரம் இந்த டின் டின் .இருபதாம் நூற்றாண்டின் ஆரம்பத்தில் பெல்ஜியம் நாட்டின் நிருபராக துப்பறியும் புலியாக இவரை சித்தரித்து பல கதைகள் வெளியாகியுள்ளன.

1929 ஆம் ஆண்டுகளில் டின் டின் ஒரு ரியல் ஹீரோவாக சித்தரிக்கப்பட்டுள்ளான். பல மொழிகள் அறிந்த இந்த துப்பறியும் சிங்கம் பல நாடுகளுக்கும் சென்று எதிரிகளை துவைத்து தூளாக்கும் வல்லமை உண்டு.

டின் டின் பத்து விஜய், ஐந்து விஜயகாந்த், இரண்டு சூர்யா என்று தற்போதுள்ள அணைத்து ஹீரோக்களுக்கும் முன்னோடி.

இவருடன் துணை பாத்திரங்களான இவரின் செல்ல நாய் குட்டி "ஸ்னோவீ ", எப்போதும் கடுப்பில் இருக்கும் மாலுமி கப்டன் ஹடோக் , டின் டின் இன் பக்க துணையாக அட்வைஸ் ஆறுமுகமாக விளங்கும் பேராசிரியர் கால்குலஸ் , மற்றும் டபள் காமெடி பீஸ் தோம்ப்சன் மற்றும் தோம்ப்சன் இரட்டையர்க. என்று இவர்களை சூழ்ந்துகொண்டு சுவாரஷ்யமாக செல்லும் கதைகள் வாசிக்கும் போது நாமும் அவர்களுடன் பயனிப்பதான சுவாரஷ்யம் இருக்கும்.

எனக்கு இன்னும் ஞாபகம் இருக்கின்றது, எனது பள்ளிகாலத்தில் இந்த டின் டின் கேலிசித்திரம் பார்க்க நானும் என் சகோதரர்களும் காட்டும் ஆர்வம், அந்த கதா பத்திரம் டின் டின் போல தலை வாரிகொள்ளும் என் தம்பி, நான் வளர்த்த பொமனேரியன் நாய்குட்டிக்கு ஸ்னோவி என்று சூட்டிய பெயர், அடிக்கடி கடுப்பாகும் எங்கள் மாமாவுக்கு நாங்கள் சூட்டிய பெயர் கப்டன் ஹடோக், டின் டின் கதைபுத்தகங்களின் அணைத்து அத்தியாயங்களையும் நானும் என் நண்பியும் போட்டி போட்டு வாசித்து மற்றயவர்களுக்கு கதைசொல்வது போன்ற இன்னும் இனிக்கும் தருணங்கள் நினைவில் நிழலாடுகின்றது.

எல்லா ஹீரோக்களுக்கும் இருப்பதை போல இவருக்கு உள்ள கெட்ட பழக்கம் ரொம்ப யோசிப்பார்.ஆழ்ந்த சிந்தனை. அந்த நேரத்தில் இவர் உலகத்தை மறந்து கற்பனை உலகத்தில் சஞ்சரிப்பதால் இவர் பல சிக்கல்களில் மாட்டி கொள்வதும், அதிலிருந்து விடுபட இவர்களின் துணை கதாபாதிரங்களுடன் அடிக்கும் லூட்டியும் கதை நகர்த்தலுக்கு சுவாரஷ்யத்தை வலுப்பெற செய்கின்றது.

டின் டின் இன் வீர சாகசங்களை சிறியோர் முதல் பெரியோர் வரை ரசிக்கும் வடிவில் புத்தகமாக வெளியிட்டு அதிலும் சாதனை படைத்துள்ளனர்.பிரெஞ்சு , ஜெர்மன்,ஆங்கிலம் உட்பட என்பதுக்கும் மேலான மொழிகளிலும் , 350 மில்லியன் பிரதிகளுக்கு மேல் வெளிவந்து இருபதாம் நூற்றாண்டின் சாதனை நாவலாக புகழ் ஈட்டிக் கொண்டது.

இதில் ஆங்கில மொழி சிறுகதை புத்தகங்கள் சிலவற்றை என் பள்ளிகாலத்தில் வாசித்து இருக்கின்றேன்... அப்போது என் பொழுது போக்கே டின் டின் நாவல்களே....

இரண்டாம் உலக யுத்த காலத்திற்கு முன்னர் பிரெஞ்சு புரட்சி விதையிட தொடங்கிய காலத்தில் உருவான எழுத்து, முற்போக்கு சிந்தனை போன்றவற்றிற்கு டின் டின் சிறுகதைகளும் எடுத்துகாட்டாகும். 10 ஜனவரி 1929 ஆம் ஆண்டு பிரெஞ்சுமொழியில் " Le Petit Vingtième " என்ற பெயரில் பெல்ஜியம் நாட்டில் வெளிவந்த சிறுவர் கத்தோலிக்க பத்திரிகையான "Le XXe Siècle" இல் முதன் முதலில் இந்த சிறுகதை வெளியானது. புரட்சிகள் துளிர்விடும் காலத்தில் இவ்வகையான வீர சாகசம் புரியும் ஹீரோவுக்கு மவுசும் கொஞ்சம் ஜாஸ்தியாகத்தான் இருந்தது. இருபத்து நான்கு அத்தியாயங்களை கொண்டதான இந்த கதைகலத்தின் முதல் பதிப்பு காலப்போக்கில் தொலைகாட்சி, மற்றும் வானொலி ஊடாக உலகமெங்கும் பிரபலம் அடைய தொடங்கியது.

என்றும் இளமையுடன் இருக்கும் இந்த டின் டின் இன் வயது 17 . சிறுவயதில் என் மனம் கவர்ந்த கேலிசித்திரம் "டின் டின்" . நான் அவப்போது யோசிப்பேன் கேலி சித்திரங்களை திரைப்படமாகும் முயற்சியில் இந்த படம் இன்னும் உள்வாங்கபடவில்லையே என்று. அந்த குறையை நிவர்த்தி செய்த என் மனம் கவர் இயக்குனர் ஸ்டீவென் ஸ்பீல்பெர்க் அவர்களுக்கு நன்றி...

இந்த கதையை திரைப்படமாகும் முதல் முயற்சி 1981 ஆம் ஆண்டுகளிலேயே இயக்குனர் ஸ்டீவென் ஸ்பீல்பெர்க் தொடங்கி இருக்கிறார். டின் டின் இன் பிதாமகன் "ஹெர்ஜ்" கும் இவருக்கும் இடையில் அப்போதே ஒப்பந்தங்கள் கையெழுத்தாகி படத்தின் ஆரம்ப வேலைகள் தொடங்க பட்டு விட்டனவாம்.

ஆனால் 1983 ஆம் ஆண்டு "ஹெர்ஜ்" இன் மறைவால் கிடப்பில் போடப்பட்ட டின் டின் இன் திரைப்பட உருவாக்கம் தற்போது மீண்டும் புத்துருவாக்கம் பெற்று அதே ஸ்டீவென் ஸ்பீல்பெர்க் அனுசரணையுடன் எதிர்வரும் டிசெம்பர் மாதம் வெளிவர இருக்கின்றது.

தமிழ் பட ஹீரோக்களை கலங்கடிக்க வரபோறான் டின் டின்...........

பி கேர் புல்..

ஆங்கிலம்,பிறமொழி சினிமா, புத்தகம்,கேலிசித்திரம்

பாரதி மனிதனா? மகானா?

2011-10-13T14:49:00.001+05:30

அண்மைய காலமாக என்னை வெகுவாக யோசிக்க வைத்த கேள்வி இது....தமிழன் எனும் போதும், தமிழ் இலக்கிய மரபுகள் எனும் போதும் பாரதியை பற்றி பேசாதோர் யாருமிலர் என்றே கூற வேண்டும் .

ஆயினும் இவரின் படைப்புக்களை உள்ளர்ந்தமாக அலசி ஆராயும் போது அது மிகவும் சாமான்யனின் படைப்பாகவே கருதப்பட்டு வருவதாக தற்கால இலக்கிய கர்த்தாக்கள் விசனித்து வருவதே என்னால் அவதானிக்க முடிகின்றது.. இது எவ்வளவு தூரத்திற்கு நியாயமானது? உண்மையில் இந்த முண்டாசு கவிஞன் வெறும் சாமான்யனா?இல்லை சமூகவியலாளனா? இவை பற்றி கொஞ்சம் என அறிவுக்கு எட்டிய வகையில் பதிவில் பகிர்கிறேன்...

பாரதியாரின் படைப்புக்கள் தமிழ் இலக்கியத்துக்கு முன்னோடியாக கருத முடியாது, அவரின் படைப்புகளில் வெறுமனே வேகம் மட்டுமே உள்ளது. உணர்ச்சி பிழம்பின் உச்சத்தில் அவரால் புனையப்பட்ட பாடல்களும் படைப்புகளும் இலக்கிய மரபினை கொண்டிராதது .. பாரதியின் எழுத்துகளுக்கு பின்புலம் இந்திய சுதந்திர தாகம் மட்டுமே... இவ்வளவு காலமும் தமிழ் இல

க்கிய மரபுகளின் முன்னோடி இந்த முண்டாசு கவிஞன் எனும் வாதம் ஏற்புடையது அல்ல என பலர் கூறிகொள்கின்றனர்.

அந்த வகையில் பிரபல எழுத்தாளர் ஜெயமோகன் அவர்களின் விவாத பக்கம் ஒன்றில் இவை பற்றிய பல சான்று பகிர்வுகளை அவர் முன்வைத்துள்ளமையை கான கிடைத்தது.. இவை சார்ந்த பல தேடல்களை நான் செய்யும் பொழுதே இலங்கை தமிழருக்கும் இந்த விவாதத்திற்கும் எத்தகைய பங்கு இருகின்றது என்பதை என்னால் உணர முடிந்தது..

( எப்போதும் எமது துணைக்கண்டத்து துரும்பையும் பெரியதாக சிந்திக்கும் எமது பாங்கு இங்குள்ள கிடைத்தற்கரிய பொக்கிஷங்கள் பலதை துச்சமாக எண்ணி உள்ளதே நினைத்து எனக்கு பெரும் தலைகுனிவாக உள்ளது. )

1995 ஆம் ஆண்டுகளில் இலங்கையின் ஹட்டன் நகரில் இருந்து வெளியான "நந்தலாலா" எனும் சிற்றிதழில் இது பற்றிய கருத்துரை எழுத்தாளர் ஜெயமோகன் அவர்களால் முன்வைக்க பட்டது "பாரதியின் இன்றைய மதிப்பு" எனும் ஆக்கம். அவற்றின் தொகுப்பு:\

1. பாரதி நவீனத்தமிழின் முதல்புள்ளி. நவீனத்தமிழ்க்கவிதையின் தொடக்கம். இந்திய தேசிய எழுச்சியின் விளைவாக உருவான இந்திய நவகவிஞர்களில் முக்கியமான சிலரில் ஒருவர். தாகூர், ஜீபனானந்ததாஸ், குமாரன் ஆசான்,குவெம்பு என்று நீளும் அந்த நவகவிஞர்கள்தான் நவீன இந்திய இலட்சியவாதத்தை உருவாக்கியவர்கள். நம் ஜனநாயகத்தின் உண்மையான சிற்பிகள். அந்த இடம் பாரதிக்கு உண்டு

2. பாரதி நவீனத் தமிழ்ப்பண்பாட்டு அடையாளத்தை உருவாக்கிய முன்னோடி. நாம் இன்று உணரும் தமிழ்ப் பண்பாட்டு சுயம் என்பது பாரதியால் தமிழ்ச்சமூக மனத்தில் உருவாக்கப்பட்டது. செவ்விலக்கியம், நாட்டார் கலை, மதங்கள் அனைத்தையும் இணைத்து அவர் அதை உருவாக்கினார்.

3. பாரதியின் ஆக்கங்களில் பெரும் புகழ்பெற்றுள்ளவை இசைப்பாடல்கள். ஆனால் அவை கவிதைகள் அல்ல. அவை எடுத்தாளப்பட்ட கவிதைகள். இசைப்பாடல் என்பது நேரடியான கவிதை வடிவம் அல்ல. இசையில்லாமல் அவற்றின் இடம் முழுமையடைவதில்லை.பாரதியின் இசைப்பாடல்கள் பெரும்பாலும் நாலாயிர திவ்யப் பிரபந்தம் மற்றும் அஷ்டபதியின் சாயல் கொண்டவை. அவரைத் தமிழின் மிகச்சிறந்த இசைப்பாடலாசிரியர்களில் ஒருவராக கருதலாம்

4. பாரதியின் காலகட்டத்திலேயே நல்ல நவகவிதைகள் எல்லா மொழிகளிலும் உருவாகிவிட்டிருந்தன. பாரதியின் கவிதைகளில் குயில்பாட்டு, பாஞ்சாலி சபதம் மற்றும் சில தனிக்கவிதைகள் முக்கியமானவை. மழை, அக்கினிக்குஞ்சு, பிழைத்த தென்னந்தோப்பு போன்றசில கவிதைகள் மிகச்சிறப்பானவை.ஆனால் ஒட்டுமொத்தமாக அவை எண்ணிக்கையில் மிகக்குறைவு. ஒரு பெரும் கவிஞரை நிறுவுவதற்கு அவை போதாது.

5. ஆகவே பாரதி ஒரு சிறந்த கவிஞர், மகாகவிஞர் அல்ல. தமிழின் மாபெரும் கவிமரபை வைத்துப்பார்த்தால் மகாகவி என்ற பட்டத்தை ஒருவருக்கு எளிதில் வழங்கிவிடமுடியாது. கபிலர், பரணர், அவ்வையார்,பாலைபாடிய பெருங்கடுங்கோ, இளங்கோ,திருத் தக்கதேவர், திருவள்ளுவர், நம்மாழ்வார், கம்பர் , சேக்கிழார் என நம் பெருங்கவிஞர்களை நாம் பட்டியலிட்டால் அதில் ஒருபோதும் பாரதியைச் சேர்க்கமுடியாது.

6. பாரதியின் நல்ல கவிதைகள் கூடத் தரிசனத்தாலும்மொழிநுட்பத்தாலும் என்றும் நீடிக்கும் அழியாத பெருங்கவிதைகள் அல்ல. மனவேகத்தால் மட்டுமே நிலைகொள்வன. வேகம் மூலம் கைவரும் அபூர்வமான சொற்சேர்க்கைகளுக்கு அப்பால் நல்ல கவிதைகளில் நிகழும் வடிவ-தரிசன முழுமை அவரது கவிதைகளில் மிக அபூர்வமாகவே நிகழ்ந்திருக்கிறது. பலகவிதைகளில் நல்ல வரிகள் உண்டு, ஒட்டுமொத்தக் கவிதையில் அந்த முழுமை கைகூடியிருப்பதில்லை.

7. பாரதி தமிழின் வழக்கமான மரபுக்கவிதையை இசைத்தன்மை மற்றும் நாட்டார்தன்மையை சேர்த்துக்கொண்டு உடைத்துப் புதிதாக ஆக்கினார்.அதன் மூலம் நம் மரபுக்கவிதையில் ஒரு குறுகியகால சலனத்தை உருவாக்கினார். ஆனால் அவரது சாதனை உரைநடையில்தான். அவர் நவீன உரைநடையின் பிதா என்பதே அவரது முதல்முக்கியத்துவம். அவரில் இருந்தே இன்றைய புதுக்கவிதை பிறந்தது

8.பாரதி தமிழ் இதழியலின் தொடக்கப்புள்ளி. இன்றைய இதழியல்தமிழ் அவரது உருவாக்கமே. அதன் சொல்லாட்சிகள், அதன் மொழிபுமுறை எல்லாமே அவரால் உருவாக்கப்பட்டவையே

9. பாரதி உலக இலக்கியத்தை நோக்கித் திறந்த தமிழின் முதல் சாளரம். மொழியாக்கத்திலும் மேலைக்கருத்துக்களை எடுத்தாள்வதிலும் அவர் தமிழின் முன்னோடி.

10. பாரதி தமிழ் நவீன உரைநடையின் அமைப்பை உருவாக்கியவர். ஆனால் பாரதியின் புனைகதைகள் மிகச்சிலவே இலக்கியமாகப் பொருட்படுத்ததக்க

வை. அவர

து சமகால வங்க, இந்தி, கன்னட ஆக்கங்களுடன் ஒப்பிட்டால் பாரதியின் கதைகள் எளிய நற்போதனைக்கதைகளாக உள்ளன. கதைமாந்தரும் சரி, கதைச்சந்தர்ப்பங்களும்சரி, சித்தரிப்பும்சரி மிக ஆரம்பநிலையில்மட்டுமே உள்ளன.""

ஒருபக்கம் பாரதி பற்றி உருவாக்கப்பட்டுள்ள பெரும் பிம்பம். மறுபக்கம் கலைநோக்கோ சமநிலையோ இல்லாமல் அவரை சாதிய நோக்கில் அவதூறுசெய்யும் எழுத்துக்கள். இரண்டும் இரண்டு வகையில் இலக்கிய வாசகனைக் கட்டாயப்படுத்துகின்றன.

பாரதியின் கவிதைகள்,கதைகள் ஆகியவற்றை ஒட்டுமொத்தமாக எடுத்துக்கொண்டு அவற்றின் சாதனைகளை சரிவுகளை விரிவான விமர்சன விளக்கத்துடன் எழுதவேண்டியிருக்கிறது. அதையே இன்றைய இளைஞர்களில் பலரின் எதிர்வினைகள் காட்டுகின்றன. ‘ஒளிபடைத்த கண்ணினாய் வா வா வா’ ‘செந்தமிழ் நாடெனும் போதினிலே’ போன்ற பாரதியின் தேசியப்பாடல்கள் இன்றைய இலக்கிய ரசிகனுக்குப் பெரிய அனுபவத்தை எதையும் அளிப்பவை அல்ல.

இன்னொருபக்கம் அவரது தோத்திரப்பாடல்கள் போன்றவை வெறும் செய்யுள்களாகவே நின்றுவிட்டவை. இன்று முழுபாரதி தொகுப்பை வாசித்தால் அந்த செய்யுட்களே அளவில் அதிகம் என்பதை ஒரு வாசகன் காணமுடியும்.

இவ்விரு தளங்களுக்கும் அப்பால் பாரதியின் சாதனைகள் அவரது குறைவான பாடல்களில் அவர் அடைந்த நேரடியான மன எழுச்சியை சார்ந்தவை. க.நா.சு சுட்டிக்காட்டிய மழை ஒரு சிறந்த உதாரணம். வசனகவிதைகளில் பாரதி அவரைத் திணறடித்த யாப்பின் தளை இல்லாமல் சுதந்திரமாகப் பறந்திருக்கிறார்.

இதெல்லாம் இன்றைய இலக்கியவாசகனுக்குத் தெளிவாகவே தெரிபவை. ஆனால் இவற்றை எழுத, விவாதிக்க நம்மிடம் பெரும் மனத்தடை இருக்கிறது.

எழுத்தாளரின் இந்த கருத்துரைக்கு பலரிடமிருந்து பலவைகையான கண்டன அலைகள் கிளம்பி இருந்ததை நான் அவதானித்தேன்.. ஆயினும் என்னால் இவரின் சில முன்வைப்புகள் நியாயபூர்வமாக இருந்தமையை மறுக்க முடியாது .. அவர் குறிப்பிட்டதை போல பாரதியின் பல ஆக்கங்கள் உணர்ச்சி கொந்தளிப்போ அன்றில் ஆக்கபூர்வ படைப்பு அல்ல என்பதுவே அவர் முன் வைக்கும் வாதம்.

ஜெ:

எதையுமே உணர்ச்சிக்கொந்தளிப்பாக ஆக்கிக்கொள்வது, வெட்டிச்சண்டையாக மாற்றுவது என்றே நம் இலக்கிய விமர்சனச்சூழல் இருக்கிறது. எந்த விமர்சனமும் ஒரு படைப்பாளி மீதான வாசிப்பைக் கூர்மையே ஆக்கும் என்ற புரிதலுடன் நாம் விவாதித்தால் ஒருவேளை வரும்காலத்தில் நம்மால் பாரதி பற்றி ஒரு நல்ல கூட்டுவாசிப்பை நோக்கிச் செல்லமுடியலாம் -

[குழும விவாதத்தில் இருந்து]//

ஆக, பாரதி பற்றிய விமர்சன மரபு பல காலங்களாக முன் எடுக்கப்பட்டு வந்துள்ள போதும் இவற்றின் முரணை உணர முடியாமல் பழமை பேசிகளாக நான் இன்னும் யோசிக்காமல் இருபதுவும் கவலைகிடமே..

இந்த ஆக்கத்தின் போது "இதழியலின் முன்னோடி எங்கள் பாரதியார் " என்ற ஒரு ஆய்வு நூலினை வாசித்த ஞாபகம் எனக்கு வந்தது. அந்த நூலின் அடிப்படையில் "இதழாளர் இளசை சுப்பிரமணியம் " என்ற பாரதியின் இதழிய தொண்டு காலத்தை பதின் ஏழு ஆண்டுகளாக ஆய்வாளர் வரையறுத்து உள்ளார். மேற்படி நூலில் சக்கரவர்த்தினி, பால பாரதம், இந்தியா உள்ளிட்ட அவரின் பத்திரிகைகளின் ஆதார பூர்வ புகைப்படங்களும் இடம்பெற்று இருந்தன.

அண்ணல் மகாத்மா காந்தி ஒரு நிருபரிடம் பின்வருமாறு கூறி இருந்தார் "பத்திரிகைகளில் பணிபுரிவதே தியாக வாழ்க்கை தான்".. ஆக பத்திரிகை யாளன் என்பவன் தியாக சிந்தனை கொண்டவனாக இருக்க வேண்டும் என்பது அவரின் கூற்று அதன் படி பாரதியும் நடந்து காட்டி இருக்கின்றார் என்பது ஆய்வாளர் "தமிழ் மணி மானா".வின் கருத்து..

ஆங்கில ஏகாதிபத்தியத்தின் ஆரம்ப காலத்தில் விடுதலை வேட்கையின் நிமித்தம் பாரதியின் உணர்ச்சிபூர்வமான எழுத்துக்களும் ஆக்கங்களும் ஒரு முன் அனுபவமின்றிய ஒரு எழுத்தாளன் எனும் பதம் பாரதிக்கு வழங்கப்பட்டுள்ளது.....

மேற்படி அந்த ஆய்வு நூலில் பாரதியை ஒரு இலக்கிய வாதியாக காட்டும் இதழ்கள் சிலதும் முன் வைக்கப்பட்டு உள்ளன.

ஆர்யா - 1915
மெட்ராஸ் ஸ்டாண்டர்ட் - 1915
நியு இந்தியா - 1916
பெண் கல்வி - 1916
கலைமகள் - 1916
தேசபக்தன் - 1920
கதா ரத்னகாரம் - 1918 - 21

இந்த நூலின் இறுதியில் இலங்கையின் தமிழ் இலக்கிய முன்னோடிகளில் முதன்மையானவரான அமரர், பேராசிரியர் க.கைலாசபதி அவர்களின் எண்ணப்பகிர்வானது " பாரதியின் இலக்கிய ஆவேசத்தையும், ஆத்மா பக்குவத்தினையும் அவரது கவிதைகள் திறம்பட காட்டுவான ஆயினும் அவரது சிந்தனை துளிகள் , உணர்ச்சி பொறிகள் ஆசாபாசங்கள் என்பன அவரது வசன படைப்புகளின் உள்ளே தெளிவாக காட்டுகின்றன" என்கிறது.

ஆயினும் என் பார்வையில் பாரதி என்பவன் ஒரு படைப்பாளி..அம்மனுஷ்யன் அல்லன். மேற்கண்ட நூலில் பாரதியின் படைப்புக்களின் திறம் பற்றி ஆராயப்பட்டது.. அதில் எனக்கு சில ஐயப்பாடுகளும் உள்ளன.

எழுத்தாளன் என்பவனுக்கும் இலக்கியவாதிக்கும் இடையில் நிறைய வித்தியாசங்கள் உள்ளன.. இது கவிஞர்களுக்கும் பொருந்தும். புதுகவிதை புனைபவனுக்கும் ஒரு மரபு கவிஞனுக்கும் நிறையவே வித்தியாசம் இருகின்றது.. அதே உணர்ந்துகொள்ள ஒரு தனிப்பட்ட பக்குவமும் அறிவாற்றலும் இருக்க வேண்டியதுவும் அவசியமே...

என்னை பொறுத்த வகையில் உணர்ச்சி பாங்கான வேகத்தில் தோன்றும் படைப்புகளுக்கும் உள்ளர்ந்தமான இலக்கிய படைப்புகளுக்கும் நிறையவே வித்தியாசம் உள்ளன.. பாரதியின் படைப்புக்கள் அமானுஷ்யமானவை அன்றில் ஆக்க பூர்வமானவையே....

மேற்படி என் தனிப்பட்ட கருத்து பகிர்வானது பலரையும் கருத்து கூற வைக்கும் என்ற நம்பிக்கையில் உங்கள் அணைத்து விமர்சனகளையும் வேண்டி நிற்கிறேன்......

அன்புடன்,

- வியாபஹி

நோபல் விருதுகள் 2011.. சில குறிப்புகள்..

2011-10-07T17:10:00.008+05:30

இந்த வருடத்திற்கான நோபல் பரிசுகள் பற்றிய விபரங்கள் கடந்த திங்கட்கிழமை முதல் உத்தியோகபூர்வமாக வெளியிட்டு வைக்கப்பட்டுள்ளது

அவை தொடர்பில் சில செய்தி பகிர்வுகள் .. இதோ...

பெண்ணியம் வென்ற சமாதானம்

இந்த ஆண்டிற்கான உலகத்தரத்திலான நோபல் பரிசுகளில் வியத்தகு சாதனைகள் நடைபெற்றுள்ளன. பெண்ணியத்திற்கு பெருமை சேர்க்கும் வகையில் சமாதனத்திற்கான பரிசுகள் இம்முறை மூன்று பெண்களுக்கு பகிர்ந்தளிக்கபட்டுள்ளது...

லிபேரிய ஜனாதிபதி ஏலேன் ஜோன்சன் சிர்லீப் , எமன் நாட்டின் பெண்ணியலாளர் தவக்குல் கர்மன் , மற்றும் லிபேரிய சமூகவியலாளர் லேய்மாஹ் க்போவீ ஆகியோர் ஆகியோரே இந்த பரிசிலுக்கு

உரியவர்களாக அறிவிக்கப்பட்டுள்ளனர்.

மூன்று பிள்ளைகளின் தாயாரான கர்மன் சுதந்திர ஊடகவியலாளரும் சமூக ஆர்வலரும் ஆவர். இவர் கடந்த ஜனவரி மாதமளவில் எமன் நாட்டு ஜனாதிபதி அலி அப்துல்லா ஸலெஹ் கு எதிராக கிளர்ச்சியில் ஈடுபட்டதன் மூலம் பிரபல்யம் ஆனார். அடக்குமுறைகள் அதிகம் கொண்டுள்ள அராபிய சமூகத்தில் இந்த பென்னியலாலருக்கு இந்த முறை நோபல் பரிசு கிடைத்தமை பெருமிததக்க விடயமாகும்.

எழுபத்தி இரண்டு வயதான எலன் ஜோன்சன் பொது நிர்வாகத்துறை பட்டதாரி ஆவார். ஆபிரிக்காவில் ஜனநாயக முறையில் தெரிவுசெய்யப்பட்ட முதல் பெண் ஜனாதிபதி என்ற பெருமைக்குரியவர் இந்த இரும்பு சீமாட்டி...

இதே போல லிபெரியவின் இன்னுமொரு சாதனை பெண்மணியே லேய்மாஹ் க்போவீ . இவர் கிறீஸ்தவ மற்றும் முஸ்லிம் சமூகத்தின் அடக்கு முறைகளுக்கு எதிராகவும் பெண்களுக்கெதிரான பாலியல் வன்முறைகளுக்கு எதிராகவும் குரல் கொடுத்தவர் ஆவர்...

இலக்கியம்

2011 இற்கான இலக்கியத்துக்கான நோபல் பரிசு சுவிடன் நாட்டை சேர்ந்த கவிஞர் தோமஸ் தான்ஸ்ட்ரோமெருக்கு (ThomaS TranStromer க்கு அறிவிக்கப்பட்டுள்ளது.

அவருடைய, உள் உலகம் பற்றிய யதார்த்தமான கண்டுபிடிப்புக்கள், துண்டிக்கப்பட்ட இயற்கையுடன் அவை கொண்டுள்ள உறவுகள் தொடர்பான படடப்புக்கள் சுமார் 50 மொழிகளில் மொழிபெயர்க்கப்பட்டுள்ளது. அவர் தனது சுருக்கமான எழுத்து நடையின் ஊடாக கொண்டு வரும் ஒளி கசியக்கூடிய காட்சி அமைப்புக்கள், நிஜமாகவே எம்மை அவற்றை நோக்கி அணுக செய்துவிடும் என்கிறார்கள் நோபல் thervu கமிட்டிக்குழுவினர்.

அவருடைய Windows and Stonnes (1966), The Great Enigma (2004) ஆகிய படைப்புக்கள் உலக பிரசித்தம் வாய்ந்தவை. 1990 களில் ஸ்ட்ரோக் நோயினால் பாதிக்கப்பட்ட அவர், தனது பாதி உடல் இயங்கு திறனை இழந்ததுடன், பேசும் திறனையும் இழந்தார். எனினும் தொடர்ந்து எழுத்துப்பணியை மேற்கொண்டார்.

தோமஸின் கவிதைகளும், நாவல்களும் பெரும்பாலும் அரசியல் சார்ந்ததாக இருந்ததில்லை. கற்பனையான நவீன உலகம் மற்றும் யதார்த்தமான உலகின் அதிசயங்களை சார்ந்ததாகவும், தினசரி வாழ்க்கையை மையப்படுத்தியும், அவை காணப்படுகின்றன. அவருடைய கவிதைகளை வாசிக்கும் போது நிஜமாகவே, ஓர் இலகுவான மற்றும் வசிக்கரமான காட்சியமைப்பு எம்முள் தோன்றிவிடும் என்கிறார்கள் தோமஸின் ரசிகர்கள்.

கடந்த 10 வருடங்களில், ஐரோப்பியர் ஒருவர் இலக்கியத்துக்காக பெற்ற 8 வது நோபல் பரிசு என்பது குறிப்பிடத்தக்கது. முன்னதாக ஜேர்மனிய நாவல் எழுத்தளர் முல்லெர் 2009 இலும், பிரெஞ்சு எழுத்தாளர் ஜே.எம்.ஜி 2008 இலும், பிரிட்டிஷ் நாவல் எழுத்தாளர் டொரிஸ் லெஸிங் 2007 இலும் இலக்கியதுறையில் நோபல் பரிசினை வென்றிருந்தனர்.

பௌதீகவியலுக்கான நோபல் பரிசு

2011 இன் பௌதீகவியலுக்கான நோபல் பரிசு அமெரிக்காவின், சால் பெர்முட்டெர்,

அடம் ரைஸெஸ் மற்றும், ஆஸ்திரேலியாவின் பிரையன் ஷெமித் எனும் மூன்று பௌதீயகவியலாளர்களுக்கு அறிவிக்கப்பட்டுள்ளது.

பிரபஞ்சத்தின் விரிவாக்கம் தொடர்பிலான அவர்களது ஆய்வுகளுக்காக இந்நோபல் பரிசுகள் அறிவிக்கப்பட்டுள்ளன.

பிரபஞ்சம் விரிவடைவதை, இருண்ட சக்தி (Dark Energy) எனும் காரணியே, முடுக்கிவிடுவதாக இவர்களது ஆய்வுகள் கூறுகின்றன. அதாவது பிரபஞ்சம் தொடர்ந்து விரிவடைந்து வருவதாகவும், இருண்ட சக்தியின் (Dark Energy) இருப்பும், அது ஏற்படுத்தும் உந்துதலுமே பிரபஞ்சம் விரிவடைதலுக்கு காரணம் எனவும் தெரிவிக்கும் அவர்களது ஆய்வுகள், பிரபஞ்சத்தின் முக்கால்வாசி பகுதிகளை இருண்ட சக்தியே உருவாக்கியுள்ளது எனவும் கூறுகின்றன.

சூப்பர் நோவா எனப்படும் விண்மீன்கள் வெடித்து சிதறும் நிகழ்வுகளுக்கு இடையிலான தூரத்தை அவதானித்து இந்த ஆய்வை மேற்கொண்டுள்ளனர்.

இந்த ஆய்வு முடிவுகள், பிரபஞ்சத்தின் இயங்கு நிலை தொடர்பிலான ஆய்வுகளுக்கு புதிய அத்தியாயத்தை ஏற்படுத்தியுள்ளதாக, தெரிவிக்கப்படுகிறது.

நேற்று திங்கட்கிழமை, மருத்துவயிலலுக்கான, நோபல் பரிசு அறிவிக்கப்பட்டிருந்தது குறிப்பிடத்தகக்து. நாளை புதன் கிழமை இராசயனவியலுக்கான நோபல் பரிசுகள் அறிவிக்கப்படவுள்ளன.

1901ம் ஆண்டிலிருந்து வழங்கப்பட்டு வரும் நோபல் பரிசுகள், மருத்துவம், பௌதீகவியல், இராசயனவியல், இலக்கியம் ஆகிய துறைகளில் சிறந்து விளங்குவோருக்கும், உலக நாடுகளிடையே சமாதானத்திற்காக பாடுபட்டவர்களுக்காகவும் வருடந்தோறும் வழங்கப்பட்டு வருகிறது.

மருத்துவமும் சோகமும்....

அமெரிக்காவின் புரூஸ் பட்லர், பிரான்ஸின் ஜூல்ஸ் ஹாப்மேன் மற்றும் கனடாவின் ரால்ப் ஸ்டெயின்மேன் ஆகிய மூவரும், மருத்துவயியலுக்கான இந்நோபல் பரிசினை பகிர்ந்து கொண்டனர்.

மனித உடலின் நோய் எதிர்ப்பு தன்மை பற்றியும், உடலில் நோய் தாக்கியதும், நோய் எதிர்ப்பு மண்டலம் எவ்வாறு உடனடியாக செயற்பட்டு எதிர்வினையாற்றுகிறது என்பது குறித்தும், இவர்களுடைய முதற்கட்ட ஆய்வில் கண்டறியப்பட்டது. இந்த ஆய்வு முடிவுகள் புற்றுநோய்க்கான புதிய மருந்து மற்றும் சிகிச்சை முறை உருவாக்கத்திற்கு மாபெரும் பங்களிப்பு செலுத்துவதனால், இவர்களுக்கு நோபல் பரிசு வழங்கப்படுகிறது.

இம்மூவரில், கனடாவின் ரால்ஃப் ஸ்டேயினென் (Ralp Steinman) கடந்த நான்கு வருடங்களாக புற்றுநோயால் பாதிக்கபப்ட்டிருந்ததால், நோபல் பரிசு அவருக்கு அறிவிக்கப்படுவதற்கு மூன்று தினங்களுக்கு முன்னர், (கடந்த வெள்ளிக்கிழமை) மரணமடைந்து போனார்.

ஆனால் நோபல் பரிசு அறிவிக்கும் தெரிவுக்குழுவினருக்கு அவர் இறந்து போன விடயம் இறுதி நேரம் வரை தெரியாமல் போனது.

1974ம் ஆண்டிலிருந்து நோபல் கமிட்டி அமல்படுத்தியிருந்த ஒரு நடைமுறையின் படி, நோபல் பரிசு அறிவிக்கப்பட்ட ஒரு நபர், அறிவிப்பு வெளியாகிய காலப்பகுதியில் மரணமடைந்தாலோ, அல்லது பரிசு வழங்கப்படும் தினத்திற்கு முன்னதாக மரணமடைந்தாலோ அவருடைய குடும்பத்தாருக்கு அப்பரிசு வழங்கப்படும்.

ஆனால் மரணமடைந்த ஒருவருக்கு நோபல் பரிசு அறிவிக்கப்பட்டிருப்பது இதுவே முதற் தடவை. நோபல் கமிட்டியின் சட்டவரைமுறைகளில் இது செல்லுபடியாகாது என்பதால், முடிவு வெளியான பின்னரும், இதில் குழப்பம் நீடிக்கிறது.

இன்றைய அறிவிப்பு வெளியாகும் போது சிலவேளை ரால்ஃப் ஸ்டேய்ன்மனுக்கு பரிசு கிடைக்காமல் போகலாம் என சர்வதேச ஊடகங்கள் முன்னரே எதிர்வு கூறியிருந்தன.

ஆனால், கடுமையான புற்றுநோயை எதிர்த்து தனது இறுதி நான்கு வருடங்களை போராட்டமாகவே கழித்த ஸ்டேய்ன்மென், தனது மருத்துவ ஆய்வுகளுக்காக, தனது புற்றுநோயை கூட சாதகமாக பயன்படுத்தி கொண்டது, அவருக்கு இந்த உயரிய கௌரவத்தை பெற்றுக்கொடுத்திருப்பதில் தவறேதும் நிகழ்ந்துவிடவில்லை என்கிறார்கள்.

ரால்ஃப் டேய்ன்மெனின் மகள் அலெக்ஸிஸ் டேய்ன்மென், அவர் இறப்பதற்கு சில தினங்களுக்கு முன், தனக்கும் தந்தைக்கும் நடந்த உரையாடலொன்றை, இப்படி கூறுகிறார்.

- 'எதிர்வரும் திங்கட்கிழமை, நோபல் பரிசு அறிவிக்க போகிறார்களாம்'.

- 'எனக்கு தெரியும். நான் அதுவரை நீடித்திருப்பேன்'

-'ஆனால் நீங்கள் இறந்துவிட்டால், உங்களுக்கு தரமாட்டார்களே!'
- 'இல்லை நான் நீடித்திருப்பேன்.'

எனினும் தந்தை துரதிஷ்டவசமாக உயிருடன் இல்லை. அவருடைய ஆராய்ச்சிகளுக்கு கிடைத்த அங்கீகாரமாக அவருக்கு நோபல் பரிசு கௌரவத்தை வழங்குகிற போதும், அந்த நற்செய்தி அவரது காதுகளில் கேட்கப்படவே இல்லை' என்கிறார் அலேக்சிஸ்.

மூவருக்கான பரிசுத்தொகை 1.5 மில்லியன் டாலர் பகிர்ந்தளிக்கப்படவிருக்கிறது.

சோகத்திலும் ஒரு சுகம் என்பது இதுவோ?

வந்தோரை வாழ வைக்கும்...... இதுதான் டா வரவேற்பு!!!

2011-08-02T10:05:00.005+05:30

எனக்கு எப்போதுமே இந்திய அரசியல் மீதும், ஊடகங்கள் மீதும் அலாதி ப்ரியம் உண்டு... ஒரு ஊடகவியலாளருக்கு தேவையான விடய பரப்பினை "அல்வா" சாப்பிடுவதை போல இலகுவில் கவ்விக்கொள்ளும் அளவுக்கு இவை நடந்து கொள்வதே காரணமாகும்...

அண்மைய காலமாக இடம்பெற்றுவரும் சம்பவங்களே இதற்கு காரணமாகும். அவற்றில் ஒருசில விடயங்கள் தொடர்பில் என் பார்வை...

விருந்தும் மருந்தும்.....

இலங்கையின் பாராளுமன்ற சபாநாயகர் சமல் ராஜபக்ஸ மற்றும் பாராளுமன்ற உறுபினர்கள் கொண்ட சிறப்பு விருந்தினர் குழுவினர் ஒருசிலர் நேற்றையதினம் இந்திய நாடாளுமன்ற மக்களவையின்

மழைக்கால கூட்டத்தொடரில் கலந்து கொண்டனர்.

பல எதிர்பார்ப்புகளுக்கு மத்தியில் தொடங்கிய இந்த கூட்டத்தொடரின் போது மேற்படி பாராளுமன்ற குழுவினர் கலந்துகொண்டதை எதிர்க்கும் முகமாக அ தி மு க நாடாளுமன்ற உறுபினர்கள் நடந்துகொண்டுள்ளனர்.

மக்களவை கூடியதும் வரவேற்புரையை ஆரம்பித்து வைத்தார் இந்திய மக்களவை சபாநாயகர் ஸ்ரீமதி மீரா குமார். அப்போது அவரது பேச்சினை புறக்கணிக்கும் முகமாக அ தி மு க வின் நாடாளுமன்ற உறுப்பினர் தம்பிதுரை தலைமையிலான குழுவினர் , போர் குற்றத்தில் சிக்கியுள்ள இலங்கை அரசின் பிரதிநிதிகள் இந்திய நாடாளுமன்றத்தில் இருக்க கூடாது என எதிர்ப்பு தெரிவித்தனர்.

இதனையடுத்து சபாநாயகர் மீரா குமாரினால் வரவேற்புரையை தொடர்ந்தும் கொண்டுசெல்லமுடியாமல் போக, விருந்தினரை உபசரிப்பதுவே இந்திய கலாச்சாரம் என்று அவையை அடக்கும் முகமாக கூறியதை அடுத்து சற்றே பதற்றம் தணிந்தது.

அனாலும், இலங்கை விருந்தினர்களை வரவேற்கும் முகமாக இந்திய பிரதமர் உள்ளிட்ட நாடாளுமன்ற உறுபினர்களில் சிலர் மேசையை தட்டி ஆமோதித்தமையை ஊடகங்களிலும் காணக்கூடியதாக இருந்தது.

நமது இலங்கை நாடாளுமன்றத்தினர் இதன்மூலம் சில பாடங்களை படித்து கொண்டிருப்பார்கள் என நம்பபடுகின்றது... (ஐ மீன் ... எப்படி அமளி துமளியை நாடாளுமன்றில் அரங்கேற்றுவது உள்ளிட்டவை.....)

Living In You

2011-07-29T15:16:00.004+05:30

Some things in life never change,
Sometimes in life you don’t find reasons,
Some moments in life aren’t forgotten,
Sometimes you loose hope...
When time rolls by you to forget
What holds you on...

Some people in life are a part of you,
And when you let them go, You never lose them.
Because... you find them living in you.

சமூக வலை தளங்களால் சீர்கெடும் சமூகம் எச்சரிக்கை !!!

2011-07-07T13:10:00.007+05:30

அண்மைகாலமாக இளைஞர்களின் விழிகளில் விரலை விட்டு ஆட்டும் கொடுர குடைச்சலாக உருமாறி உள்ளது சமூக வலைத்தளங்கள் . அதிலும் முக்கியமாக பேஸ்புக் வலைத்தலமானது தற்கால இளைஞர்களின் தாரக மந்திரமாக உள்ளது.

இந்த வலைதளமானது உண்மையில் ச

மூக ஒன்றிப்பின் நல்லெண்ண நோக்கத்திற்காக உருவாக்கப்பட்டது எனினும் இதன் மூலம் பல சீர்கேடுகள் அரங்கேறி வருவது கசப்பான உண்மை.

அண்மையில் பல அனாமதேய சுட்டிக

ளில் தமது முகநூல் முகவரிகளாக கொண்டு இளைஞர்களும், யுவதிகளும் பல சீர்கேடுகளை செய்துவருவதாக அறியப்பட்டுள்ளது.

இது பல முகநூல் நண்பர்களை தனி

ப்பட்ட முறையில் பாதித்து உள்ளதாக தெ

ரிவிக்க பட்டுள்ளது.

அண்மைகாலமாக யாழ்பாணம் மற்றும் தமிழர் செறிந்து வாழும் பிரதேசங்களில் இவ்வகையான அனாமதேய இம்சைகள் அரங்கேறி வருவதை ஊடகங்களின் மூலம் அறியப்பட்டுள்ளது.

இது தொடர்பிலான செய்தியினை

கான இங்கே சொடுக்கவும்

இவ்வகை இம்சைகள் உலகளாவிய ரீதியில் பரவியுள்ளமையும் தெரிவிக்கபட்டுள்ளது

இது தொடர்பில் சக பதிவர் ஒருவர் ஆதர பூர்வமாக தமது வலைபதிவான சந்த்ருவின் பக்கத்தில் குறிபிட்டுள்

ளார்.

இவகையான இம்சை அரக்கர்களிடமிருந்து முகநூல் நண்பர்கள் தங்களை பாதுகாத்துக்கொள்ள இதோ சில எளிய வழிகள் :

உங்களின் அடையாள பெயர்கள்,மினஞ்சல் உள்ளிட்ட தனிப்பட்ட விடயங்களை முகநூலில் பதிவிடும்போது அவதானிப்புடன் இருங்கள்.அத்துடன் உங்கள் பெயர்களை ஒத்த வேறு நபர்கள் இருக்கும் பட்சத்தில் அவர்களில் இருந்து உங்களை வேருபடுத்திகொள்ள தனிப்பட்ட குறிகள், புனைப்பெயர்,அடையாளங்கள் தொடர்பில் தனித்துவமாய் இருப்பது சிறந்தது.
உங்கள் தொடர்புகளில் இணைய விரும்பும் புதிய நபர்கள் தொடர்பில் மிகவும் அவதானிப்புடன் இருக்க வேண்டும். உங்களுக்கு மிகவும் தெரிந்த நபர்கள் அன்றில் மற்றயவர்களின் தொடபுகள் சரியானதா என்று அறிந்துகொள்வது மட்டுமன்றி பிற பொதுவான நண்பர்களாக உள்ளவர்கள் யார் என்பதை சரியாக கவனத்தில் கொள்ளுங்கள்
உங்கள் தனிப்பட்ட படங்கள் , குடும்ப விபரம், அலைபேசி இலக்கம், உறவினர்களின் பெயர்களை அனாவசியமாக உங்கள் முகநூலில் பதிவிடுவதை தவிர்த்துகொள்
ளுங்கள். அன்றில் இவைகளை முகநூலில் இட்டாலும் அதனை உங்கள் உற்ற நண்பர்கள் மட்டும் பார்வையிடும்படி சீர் செய்து கொள்ளுங்கள். இதற்கான பிரத்தியேக அமைப்பு முகநூலில் உள்ளது.அதனை உங்கள் தனிபயன் வசதிக்கு ஏற்ப மாற்றி அமைத்து கொள்ளுங்கள்.

தற்போது புதிதாக முகநூலில் காணொளி அரட்டை முறை அறிமுகபடுதபட்டுளது. அதனை உங்கள் முகநூலில் சீர் செய்துகொள்ள பின்வரும் விதிகளை கடைபிடிக்கவும்:
முதலில் இந்த இணைப்பினை பெற முக நூலில் உங்கள் தனிப்பட்ட பக்கத்தில் உள் நுழையவும் . அதன் பின்னர் இங்கே சொடுக்கவும்.

அதன் பின்னர் அந்த இணைப்பின் மூலம் வழங்கப்படும் புதிய மென்பொருளை தரவிறக்கம் செய்யவும்

அதனை நிறுவியதும் அரட்டைக்கான பகுதியை சொடுக்கவும். இதனை பயன் படுத்த கண்டிப்பாக media flash player அவசியம் என்பதை கருதிற்கொள்ளவும்

முக்கியமாக காணொளி குறித்த சொடுக்கியை அழுத்தினாலும் உங்கள் அளிக்கக மறுமுனையில் இருப்பவர் அதனை அங்கீகரிக்கும் வரையில் அவரின் காணொளி தென்படாது.

இப்போது நேரடியாக உங்கள் நண்பர்களுடன் அரட்டையை தொடருங்கள்.........

மீண்டும் வியாபஹி

2011-06-28T22:07:00.003+05:30

அன்பு உள்ளங்களே!..
மிக நீண்ட இடைவெளிக்கு பிறகு பதிவுலகுக்குள் பிரவேசம் செய்கிறேன்.உங்கள் அனைவரின் ஆசிர்வாதங்களுடன்.

காரணங்களை தோரணங்களாக தொங்க விடாமல் எனது மீள் வருகை அணைத்து உள்ளங்களுக்கும் விருந்தாய் அமையட்டும்..

இனி அடிகடி கடிகடி...

கெட் ரெடி .....

சுவாமி பிரேமானந்தா காலமானார்

2011-02-21T16:46:00.000+05:30

சுவாமியார் வரலாற்றில் தனிதடம் பதித்தவர் என்ற பெயரினை தனதாக்கி கொண்டிருந்த சுவாமி பிரேமானந்தா இன்று நண்பகல் சென்னையில் காலமானதாக தெரிவிக்கப்பட்டுள்ளது.

காவி உடை போர்வைக்குள் பல " கசமுசா" விடயங்களில் ஈடுபட்டு, முதலில் ஊடகங்களில் மாட்டிகொண்டவர் என்ற பெருமை இவரையே சாரும்......

இரட்டை ஆயுள் தண்டனை பெற்று சிறையில் அடைக்கப்பட்ட சாமியார் பிரேமானந்தா சென்னை தனியார் மருத்துவமனையில் காலமானார்.

கற்பழிப்பு, கொலை வழக்கில் இரட்டை ஆயுள் தண்டனை பெற்று கடலூர் சிறையில் அடைக்கப்பட்டார் புதுக்கோட்டை சாமியார் பிரேமானந்தா.

இவரது ஆசிரமம் தென் இந்தியா கடலூர் பிரதேசத்தில் அமைந்துள்ளது. இவரது பிறப்பிடம் இலங்கை மாத்தளை பிரதேசம் ஆகும்.

பல்வேறு நோய்களால் பாதிக்கப்பட்டு, உயிருக்கு ஆபத்தான நிலையில் கடலூர் அரசு மருத்துவமனையில் சேர்க்கப்பட்டார். அங்கு போதுமான வசதிகள் இல்லாததால் முழுமையான சிகிச்சை பெற முடியாமல் தவித்தார்.

தனது சொந்த செலவில் சிகிச்சை பெற்றுக்கொள்ள அனுமதிக்கும்படி சிறைத் துறை அதிகாரிகளுக்கும், உள்துறை செயலாளருக்கும் மனு கொடுத்தும் அவருக்கு உரிய பதில் கிடைக்கவில்லை.

இதைத் தொடர்ந்து, சென்னை உயர் நீதிமன்றத்தில் மனுத் தாக்கல் செய்து தனியார் மருத்துவமனையில் சிகிச்சை பெறுவதற்கான உத்தரவு பெற்றார்.

சிகிச்சை முடிந்து சிறை திரும்பிய பிரேமானந்தாவுக்கு தொடர்ந்து பராமரிப்புக்கு வழியின்றிப் போகவே, மீண்டும் உடல்நிலை மோசமானது.

கடந்த நவம்பர் மாதம் புழல் சிறைக்கு மாற்றப்பட்டார். அதைத் தொடர்ந்து ராயப்பேட்டை அரசு மருத்துவமனையில் நவம்பர் 8-ம் தேதி இருந்து மீண்டும் சிறையில் அடைக்கப்பட்டார்.

இந்நிலையில், உடல் நிலை மிகவும் மோசமான நிலையில் சென்னையில் உள்ள தனியார் மருத்துவமனையில் அனுமதிக்கப்பட்ட பிரேமானந்தா, சிகிச்சைப் பலனின்றி மரணமடைந்தார்.

கடந்த சில காலங்களாக இவர் பற்றிய பேச்சுக்கள் அடிக்கடி ஊடகங்களில் தலைகாட்டிகொண்டிருந்தமை இங்கே சுட்டிக்காட்டப்பட வேண்டியது அவசியம்.

குறிப்பாக இந்திய தனியார் தொலைக்காட்சியான விஜய் தொலைகாட்சியில் ஒளிபரப்பாகும் "நடந்தது என்ன" நிகழ்ச்சியில் இவரது கைது தொடர்பாகவும் உடல்நிலை தொடர்பாகவும் நடுநிலைமை வாதங்கள் முன் வைக்கப்பட்டது.

அதன்போது சுவாமி பிரேமானந்தா தொடர்பான குற்றபுலனாய்வு வழக்கின் முக்கிய சாட்சிகள் சிலர் தம் அந்த சமயம் நிர்பந்தத்தின் பெயரில் அவருக்கு எதிராக பொய் சாட்சி கூறியதாக அந்த நிகழ்ச்சியில் குறிபிட்டமையை நான் காணக்கூடியதாக இருந்தது.

பி.கு: உண்மையில் "நடந்து என்ன?" என்பது அவரின் மரணத்தின் பின்னராவது புலப்படுமா?

களவாடப்படும் கடவுசொற்கள் : தடுக்க சில தந்திரங்கள்

2011-02-18T12:38:00.000+05:30

இன்றைய காலத்தில் இணையத்தில் உலாவரும் அனைவரினதும் ஒரேயொரு தலைவலி தமக்கான கடவுசொற்கள் களவாடப்படுவதாகும்.

வு

கடவுசொற்கள்சஹோக்கிங் எனப்படும் திருடுதல் செயல்பாடு சிலருக்கு பொழுது போக்கான விடயமாகும்.

அடுத்தவர் சங்கதிகளை அலசிப் பார்ப்பதில் என்ன ஒரு அலாதிப் பிரியம் பாருங்கள்?!.

"கழுத்தை கொடுத்தாலும் எழுத்தை கொடுக்காதே" என்று நம் பாட்டி காலத்து பழமொழி உள்ளது. ஒரு சில எழுத்துக்களும் எண்களும் தான் நம்முடைய வாழ்வையும் , பாதுகாப்பையும் தீர்மானிப்பதாக உள்ளது.

இலகு பண அட்டைகள் (ஏ. டி.எம். கார்டுகள்), கடனட்டைகள் (கிரெடிட் கார்டுகள்) , மற்றும் இணையத்தில் பொருள்களை வாங்கும்போதும் , இணைய வங்கி கணக்குகள் மற்றும் மின் அஞ்சல்கள் திறக்கும் போதும் கடவுச்சொல் அல்லது இலக்கங்களை (பின் நம்பர்கள்) பயன்படுத்துகின்றோம். இதைவிட பிரபலாக சொல்லப்போனால் சமூக வலை தளங்களான பேஸ்புக் மற்றும் டிவீட்டர் போன்ற எமது தனிப்பாட்ட விபர சேமிப்பு தளங்களின் பயன்களுக்காக இவ்வகையான கடவுச்சொல் பயன்பாட்டை தனிப்பயனாக கொண்டுள்ளோம்.

நாம் பயன்படுத்தும் கடவுச்சொல் நமக்கு மட்டும் உரியதாக இருக்க வேண்டும். அப்படி இல்லாமல் போனால் நம்முடைய பாதுகாப்பு கேள்விகுரியானதாக மாறிவிடும். நீங்கள் பயன்படுத்தும் எழுத்துக்கள் எளிமையானதாக இருந்துவிட்டால் ஹோகர்கள் எனப்படும் இணைய திருடர்கள் குதூகலமடைய தொடங்கிடுவார்கள் . அவர்களின் திருட்டுத்தனம் இலகுவடைந்துவிடும். உங்கள் வங்கி கணக்கும் , மின் அஞ்சலும் அவர்களுக்கு சிலநொடிகளில் சொந்தமாகிவிடும்.

பத்து நிமிடங்கள் போதும் இவ்வகையான உங்கள் எளிமையானா கடவுச்சொற்களை களவாடிக்கொள்ள.

இனி வரும் காலங்களில் கடவுச்சொற்களை களவாடும் அன்பர்களிடமிருந்து அலர்ட் ஆக இருக்க இணைய நண்பர்களுக்கு இனிப்பான தகவல்.

பொதுவாக உலகளாவிய ரீதியில் கடவுச்சொல் குறியீடுகளாக எண்களை பயன்படுத்துவோர் ஆங்கிலத்தில் சிறிய எழுத்துக்களையே (small case ) அதிகமாக உபயோகிக்கின்றனர் . அதுவும் ஆறு எழுத்துக்கள் கொண்டதாகவே அவை அமைந்துவிடுவதாகவும் கடந்த டிசம்பர் மாதம் ப்ளூம்பெர்க் நிறுவனம் நடத்திய கடவுச்சொல் குறித்த பயன்பாடு தொடர்பான ஆய்வில் தெரிவிக்கப்பட்டுள்ளது.

எழுத்துக்களில் A,B,C யும் 123456 என்பனவும் பொதுவாக அனைவரின் பயன்பாட்டிலும் உள்ளதாகவும் உலகில் பாதி சதவீதத்தினர் கடவுச்சொல்லாக பயன்படுதுகின்றனர் எனவும் , இது போன்ற கடவுச்சொல்லை ஹோக்கர்கள் சில நிமிடங்கள் போதுமானது என்றும் அந்த ஆய்வு தெரிவித்துள்ளது.

இதற்கு மாற்றீடாக ஆங்கில பெரிய எழுத்துக்களை (upper case ) சிறப்பு குறியீடுகளை சேர்த்து பயன்படுத்தினால் அதனை கண்டுபிடிக்க அதிகபட்சமாக ஐம்பதாயிரம் ஆண்டுகள் பிடிக்கும் என கணக்கிட்டு உள்ளனர்.

மேலும் இந்த ஆய்வு கடவுச்சொல்லை எப்படி அமைக்கலாம் என்றும் ஆலோசனை கூறியுள்ளது. அதன்படி கடவுச்சொல்லை ஆறு இலக்கங்களுடனான குறியீடுகள் வைக்க வேண்டாம் என்றும் அதனை குறைந்த பட்சம் ஒன்பது இலக்கங்களுடனான குறியீடுகள் கலந்ததாக மாற்றி கொள்ளவும் பரிந்துரை செய்துள்ளது.

பி.கு.: முக்கியமாக பேஸ் புக் பாவனையாளர்கள் கவலையின்றி இருக்கலாம்.

கடந்த வருடம் ஒரு பார்வை......

2010-12-31T12:09:00.000+05:30

கடந்த ஆண்டு எப்படி போனதென்றே தெரியல... அதுக்குள்ளே வருஷம் முடிஞ்சிதே? என்று இன்று புலம்பாத உதடுகளே இல்லை....

முடிந்த வருடம் சிலருக்கு சுகமாகவும், சிலருக்கு சோகமாகவும் முடிந்தது தெரிந்ததே..

உங்களுக்கு எப்படி? சுகமா இல்லை சோகமா?

உலக நடப்பினை பொறுத்தவரையில் கடந்த வருடம் பல சுவாரசியமான சம்பவங்களை கொண்டிருந்தது யாவரும் அறிந்ததே...

அவற்றின் தொகுப்பு உங்களுக்காக... சுருக்கமாக .... இதோ...

அறிவியல் வல்லுனர்கள் கடந்த வருடத்தை "இயர் ஒப் ஸ்ட்ரகுல் " (year of struggle ) என்று சொல்றாங்க.. அதாவது போனவருடம் ரொம்ப இக்கட்டான நிலைகள் உலகை கலங்கடித்து இருப்பது தெரிந்ததே....

கடந்த வருடம் சூரிய கிரகணத்தில் தொடங்கியதை யாவரும் மறந்திருக்க மாடீர்கள்.

பிபா உலக கிண்ண உதைபந்தாட்ட போட்டிகள் நடந்து முடிந்தது என்றாலும் அதில் அக்டோபஸ் உயிரினமும் இந்திய ஜோசிய கிளியும் ஜாதகம் கணித்தது யார் மறப்பது?

உலக அரசியலை பொறுத்த வரையில் தாய்லாந்து நாட்டின் அரசியல் வன்முறை கொஞ்சம் உலகையே உற்று பார்க்க செய்திருந்தது...

அறிவியல் சாதனையாக முதலாவது முக சீரமைப்பு சத்திர சிகிச்சை நிகழ்த்தப்பட்டது.

மேக்ஸ்சிகோ நாட்டுக்கு சொந்தமான எண்ணெய் குதம் நடுகடலில் வெடித்து சிதறியது

பாகிஸ்தான் நாட்டில் இடம் பெற்ற பாரிய வெள்ள பேருக்கு அனர்த்தமும் ,சீனா மற்றும் இடம்பெற்ற நில அதிர்வும் .இதனால் பல்லாயிர கணக்கான மக்கள் பதிக்க பட்டதும் .

சாதனையான விஷயம் சில்லி நாட்டின் சுரங்க தொழிலாளர்களின் மீட்பு.

விக் கி லீக்ஸ் இணையத்தளம் லீக் பண்ணிய உலக அரசியல் பிரமுகர்களின் அந்தரங்க விடயங்கள்..

இவை தொடர்பான காணொளி இதோ

நன்றி: google

சினிமா கடந்த வருடம் எப்படி??

அதையும் பாப்போம்...

சரத் குமார் ஷ்ரேயா நடிப்பில் உருவான ஜக்குபாய் திரைப்படம் , திரையிடும் முன்னர் இணைய தளங்களில் வெளியான பரபரப்பு...

ஊடகங்களுக்கு அளித்த பேட்டியில் தமிழ் பெண்களை இழிவாக பேசியதால் நடிகர் ஜெயராமின் வீடு தாக்கப்பட்டது.

நகைச்சுவை நடிகர் வடிவேலு தனது சக நடிகர் சிங்கமுத்து மீது மோசடி வழக்கு ஒன்றை பதிந்து அவரை சந்தி சிரிக்க வைத்தது.
நித்தியானந்த சுவாமிகளுடன் நடிகை ரஞ்சிதா புரிந்த லீலைகள் காணொளி மூலம் அம்பலமானது.

நடிகை ரம்பாவின் திருமணமும், நடிகைகள் சோனியா அகர்வால் - காவியா மாதவன் ஆகியோரின் திருமண முறிவும் விவாகரத்தும். நடிகர் பிரபு தேவா - நடிகை நயன்தாரா கில்மா ......

சொல்ல சொல்ல கேட்காமல் இலங்கைக்கு வந்து எக்கச்சக்க சிக்கலில் மாட்டிகொண்ட நடிகை அசின் மற்றும் வட இந்திய திரைத்துறையினர்..
இலங்கையில் இடம்பெற்ற ஐபா (iifaa ) திரை விருதுகள் நிகழ்ச்சியும் அதில் நம்நாட்டு அரசியல் பிரமுகர்களின் வழிசல்களும்.
இதுவரை ரசிகர்களுக்கு போதையை உண்டுபண்ணிய நடிகை திரிஷா பிரபல போதை கும்பலுடன் தொடர்பு வைத்துள்ளதாக வெளியான தகவல்களும் அதனை தொடர்ந்து ஆத்தாளும், மகளும் விடுத்த அறிக்கைகளும்.

நடிகர் முரளி, எஸ்.எஸ். சந்திரன், மலையாள நடிகர்கள் பரத் முரளி , வீ. எம். ஹனிபா, இலங்கையின் நாடக நடிகர் எச்.எ.பெரேரா, பாடகி அரசிஎல், இசையமைப்பாளர் சந்திரபோஸ், ஆகியோரின் மறைவு.

நடந்தவை பல......... அதில் மீட்டியதோ சில .....

போனது போகட்டும் வரவிருக்கும் வருடம் சகலருக்கும் நன்மை பயக்கும் வருடமாக அமைய வாழ்த்துக்கள்....

I WISH YOU A VERY HAPPY NEW year........

இலக்கணம் மாறுதோ....

2010-12-13T15:46:00.000+05:30

எதையுமே வித்தியாசமாக செய்து பார்ப்பதில் நம்ம ஆளுகளுக்கு நிகர் யாருமே இல்லை... எந்தவொரு நாட்டிலும் இல்லாத மாதிரி அபூர்வமான சட்ட திட்டங்களும், ரூல்ஸ்களும், விடுமுறைகளும், சலுகைகளும் விஞ்சிபோனது நம்ம நாட்டில் மட்டும் தான்...

உதாரணத்திற்கு மாதம் ஒருமுறை கட்டாய விடுமுறை... அதுவும் வார இறுதி நாள் தவிர்ந்த்ததாய் அமையும் பாக்கிய சாலிகள் வாழும் ஊரப்பா இது.... அன்று வணக்க ஸ்தலங்களுக்கு மக்கள் கட்டாயம் செல்ல வேண்டும் என்ற கடப்பாடு (?!) உள்ளது.

அன்றைய தினம் மதக் கோயில்களில் விஷேட பூஜைகளும், மதுக் கோயில்களில் மூடுவிழாவும் கட்டாயமானதாகும்....

(அட, நம்புங்க....)

சட்டத்தை ரொம்பவே மதிக்கும் நம் நாட்டு குடி மக்கள் அன்று மது விலக்கு கட்டுபாட்டுடன் கண்ட்ரோலா இருப்பாங்க..

அன்றைய தினம் பாடசாலை மாணவர்களுக்கான பிரத்தியேக வகுப்புகள் நடைபெற கூடாது என்பதுவும், அவர்கள் எந்த மதத்தினராக இருந்தாலும் அந்த குழந்தைகள் கட்டாயம் அவர்களின் சமய பாடசாலைகளுக்கு மாத்திரமே செல்ல வேண்டும் என்பது கட்டாயம்..

இதை விட பெரிய அபூர்வம் இரண்டு மொழிகளிலும் தேசிய கீதம் பாடப்படுவது ஆகும்.

யார் கண்ணு பட்டதோ தெரியல... அதுக்கும் ஆப்பு வச்சிடாங்கையா !!!...

சிங்களத்தில் மட்டுமே தேசிய கீதம் இசைக்கப்பட வேண்டுமென்ற அரசாங்கத்தின் தீர்மானத்துக்கு அமைச்சர் விமல் வீரவங்ச பாராட்டுத் தெரிவித்துள்ளார்.

இதன் மூலம் கடந்த காலத்தில் விடப்பட்ட ஒரு தவறு தற்போது சீர்செய்யப்பட்டுள்ளது என்று அவர் கூறுகின்றார்.

உலகில் வேறெந்த நாட்டிலும் தேசிய கீதம் வேறு மொழிகளில் பாடப்படுவதில்லை. ஏன் பல மொழிகளைப் பேசும் இந்தியாவிலும் கூட ஹிந்தியில் மட்டுமே தேசிய கீதம் இசைக்கப்படுகின்றது என அவர் கருத்து தெரிவித்திருந்தார்

1978ம் ஆண்டின் அரசியலமைப்பு மாற்றத்தின் போது தமிழ் மொழி தேசிய கீதம் அறிமுகப்படுத்தப்பட்டமை ஒரு சிரிப்புக்கிடமான விடயம் மட்டுமே என்றும் அவர் சுட்டிக் காட்டுகின்றார்.

இதற்கிடையே தேசப்பற்றுள்ள தேசிய இயக்கத்தின் தலைவர் கலாநிதி குணதாச அமரசேகரவும் அரசாங்கத்தின் தீர்மானத்தை வரவேற்றிருப்பதுடன், அதனை துணிச்சலான தீர்மானம் என்றும் சிலாகிக்கின்றார்.

தமிழில் தேசிய கீதம் அறிமுகப்படுத்தப்பட்டதன் பின்னணியில் பிரிவினைவாதிகள் இருந்ததாகச் சுட்டிக்காட்டும் கலாநிதி குணதாச அமரசேக்கர, அதனை நீக்குவதற்கு ஜனாதிபதி எடுத்த முடிவு துணிச்சலானது என்று பாராட்டுகின்றார்.

அந்த வகையில் தற்போது ஜனாதிபதியின் தீர்மானத்துக்கு எதிர்ப்புத் தெரிவிக்கின்றவர்கள் பிரிவினைவாதிகளின் கையாட்களே என்றும் அவர் குற்றம் சாட்டுகின்றார்.

இதனை தொடர்ந்து இலங்கையில் தேசிய கீதம் தமிழ் மொழியில் பாடப்படுவது தடைசெய்யப்படுவது தொடர்பில் எழுந்துள்ள தேவையற்ற சர்ச்சைக்கு அரசாங்கமே பொறுப்பேற்க வேண்டும். என ஜனநாயக மக்கள் முன்னணி தலைவர் மனோ கணேசன் தெரிவித்துள்ளார்.

தேசிய கீதம் தமிழ் மொழியிலும் பாடப்படுவது பெருமைக்குரிய ஒரு விடயம் என்பது அரசாங்கத்திற்கு புரியவில்லையா? அல்லது நீங்கள் இந்நாட்டை சேர்ந்தவர்கள் அல்லவென தமிழ் மக்களுக்கு அரசாங்கம் செய்தி விடுக்கின்றதா? அவர் கேள்வி எழுப்பியுள்ளார்.

தேசிய கீதம் தமிழ் மொழியில் பாடப்படுவதற்கு எதிராக அமைச்சரவையில் நடைபெற்ற கருத்து பரிமாற்றம் தொடர்பில் மனோ கணேசன் மேலும் கூறியதாவது,

தேசிய கீதம் தமிழ் மொழியில் பாடப்படுவதை தடைசெய்வது தொடர்பாக அமைச்சரவையில் கருத்து பரிமாறப்பட்டது உண்மையாகும். ஆனால் இது தொடர்பில் அரச நிறுவனங்களுக்கும், பாடசாலைகளுக்கும் சுற்று நிருபம் அனுப்பப்படுவதற்கு இறுதி முடிவெடுக்கப்பட்டதா என்பது தொடர்பாக இன்னும் சரியான , உத்தியோக பூர்வமான தகவல்கள் வெளியாகவில்லை...

இறுதி முடிவு எடுக்கப்படாவிட்டாலும்கூட இத்தகைய முறையில் கருத்து பரிமாற்றம் நடைபெறுவதே தமிழ் பேசும் மக்களை ஆத்திரமடைய வைத்துள்ளது.

அமைச்சரவையில் இவ்விவகாரம் பேசப்பட்டப்பொழுது தமிழிலும், தேசிய கீதம் பாடப்படுவது தொடரவேண்டும் என்ற ஆதரவு கருத்துகளை அமைச்சர்களான வாசுதேவ நாணயக்கார, ராஜித சேனாரத்ன ஆகியோர் தெரிவித்திருந்தனர் .

அதேவேளையில் இந்த அமைச்சரவை கூட்டத்தில் தமிழ் பேசும் சமூகங்களைச் சார்ந்த அமைச்சர்களும் கலந்துகொண்டார்களா என்பதையும், கலந்துகொண்டவர்கள் கருத்து தெரிவித்தார்களா என்பதையும் அறிந்துகொள்வதற்கு தமிழ் பேசும் மக்கள் ஆவலாக இருக்கின்றார்கள். (நாங்களும்தான் ....)

உலகில் எந்தவொரு நாட்டிலும் தேசிய கீதம் இரண்டு மொழிகளிலும் பாடப்படுவதில்லை என்று கூறுவதே அடிப்படையில் ஒரு தவறான தகவலாகும். உலகில் முன்னணி நாடுகளில் ஒன்றான கனடாவில் தேசிய கீதம் ஆங்கிலத்திலும், பிரெஞ்சு மொழியிலும் உத்தியோகபூர்வமாக பாடப்படுகின்றது.

ஆரம்பத்தில் பிரெஞ்சு மொழியில் எழுதப்பட்ட கனடிய தேசிய கீதம் பிறகு ஆங்கிலத்தில் மொழி பெயர்க்கப்பட்டது. இந்த அமைச்சரவை கூட்டத்தில் கலந்துகொண்ட அமைச்சர் விமல் வீரவன்ச தமிழ் மொழியில் தேசிய கீதம் பாடப்படுவதை தடுக்கும் முகமாக எமது அயல் நாடான இந்தியாவை உதாரணம் காட்டியுள்ளதாக கூறப்படுகின்றது.

இந்தியாவின் தேசிய கீதம் அந்நாட்டின் பெரும்பான்மையினர் பேசும் மொழியான இந்தி மொழியில் பாடப்படுவதாக இவர் திருவாய்மலர்ந்துள்ளார். இது இவரது பெரும்பான்மை வாதத்தையும், அறியாமையையும் காட்டுகின்றது.

உண்மையில் இந்தியாவின் தேசிய கீதம் வங்காள மொழியில் பாடப்படுகின்றது. இந்தியாவின் சனத்தொகையை மொழி ரீதியாக வரிசைப்படுத்தினால், முதலில் இந்தியும், அடுத்து தெலுங்கும், மூன்றாவதாக தமிழும் இருக்கின்றன. நான்காவதாக அதிகம் பேர் பேசும் வங்காள மொழியில் அமைந்துள்ள தேசிய கீதத்தை அனைத்து இந்தியர்களும் பாடுவது இந்தியாவின் பெருமையாகும்.

இந்தியாவில் 15 மேற்பட்ட தேசிய மொழிகள் இருக்கின்ற காரணத்தினால் அனைத்து மொழிகளிலும் தேசிய கீதம் பாடப்படுவது சாத்தியம் இல்லாமல் இருக்கலாம். ஆனால் இரண்டே மொழிகளை கொண்டுள்ள இலங்கையில் இது நீண்டகாலமாகவே சாத்தியமாகியுள்ளது.

இந்த பெருமைக்குரிய விடயத்தை தகர்த்து எறிந்து இந்த அரசாங்கம் எத்தகைய தேசிய நல்லிணக்கத்தை கட்டியெழுப்பப்போகின்றது என்பது கடவுளுக்குத்தான் வெளிச்சம்.

பி கு :சும்மாவா சொன்னங்க... "சொர்கமே என்றாளுமம்ம்ம்ம் அது நம்மஊர போல வருமா!!!"

மசாலா மன்சூரியன்... (3)

2010-04-29T15:32:00.000+05:30

குரங்கு கறி குருமா

இந்த முறை மன்சூரியன் "monkey" ஸ்பெஷல்..... அட. யாரும் தப்பா எடுத்துகாதீங்க... இன்று வியாழக்கிழமை வேறா , வீட்டில் சுவாமி ஆஞ்சநேயர் வழிபாடுகளை முடித்துக்கொண்டு , அவரின் ஆசிர்வாதத்துடன் கொஞ்சம் பதிவிலும் குரங்கு சேட்டை விடலாமே என்ற எண்ணம்தான்.....

கடந்த சில நாட்களாக வவுனியா பிரதேசவாசிகளுக்கு தொல்லை தந்த ஒரு வாணரத்தை நீதிமன்ற உத்தரவின் பேரில் இன்று சுட்டு கொன்று இருக்கிறார்கள் அந்த பிரதேச வாசிகள்.

கடந்த சில காலங்களாக பொதுமக்களுக்கும், பாடசாலை மாணவர்களுக்கும் குறித்த வாணர உயிரினம் தொல்லை தந்து வந்ததாகவும், அவர்களின் உணவு மற்றும் பொருள் பண்டங்களை நாசமாக்கி வந்ததாகவும், இதனை தடுக்கவந்த காவல் துறையினரை காயபடுத்தி கடித்து வைப்பதாகவும் புகார்கள் வந்தவண்ணம் இருந்ததாம்.
எனவே வனவிலங்கு அதிகாரிகளின் உதவியுடன் குறித்த இந்த வாணர உயிரினத்தை "சுட்டு பிடித்ததாக " காவல்துறை அதிகாரிகள் தகவல் தந்துள்ளனர்.

சேட்டைக்கு பலன் சூடுதான்......

என் நண்பனும் , சேட்டை பதிவுகள் எழுதி பிரபலமான "அகசியம்" பதிவருமான வரோதயன், தனது "சரித்திரவீரன் சங்கிலி பாகம் 18 + பாயாசம்" பதிவில் மாண்புமிகு ஊடக பிரதி அமைச்சர் மேர்வின் சில்வா அவர்களை பற்றி எழுதியது என்னை மிகவும் கவர்ந்தது.அந்த பதிவிற்கு ஏதுவானதாக கிடைத்த ஒரு செய்தி இது.அதாவது ஊடகம் அவரின் காலடிக்கு வர அவர் எப்படியான ஒரு "பகீரத பிரயேத்தனம் " மேற்கொண்டு இருப்பார் என்பதை ஒரு இணைய புகைப்படம் வெளியிட்டுள்ளது.... இதோ...

அட.... இதுவும் ஒரு சேட்டை...

பதவி பிரமாணம் எடுத்த பிறகு முதலில் மிருககாட்சிசாலைக்கு விஜயம் மேற்கொண்டிர்ருந்த அமைச்சர் பசில் ராஜபக்ஸ அங்குள்ள சிம்பன்சி இன குரங்கிடம் அடி வாங்கியதாக அறிந்த தகவலும் காணொளியாக இங்கே.

அதுகிட்ட போய் ஆச்சிர்வாதம் கேட்டு இருப்பார் போல.......

வழமையாக மனிதர்களை நம்பாமல் மிருகங்களையும் , குரங்குகளையும் வைத்து படம் எடுக்கும் இராம நாராயணனின் தயாரிப்பில் வெளிவரவிருக்கும் அடுத்தட திரைப்படம் "குட்டி பிசாசு " . அவர் என் இப்படி நடிகர்களை நம்பாமல் விலங்குகளை வைத்து படம் எடுக்க காரணம் என்ன என்று கேட்டதற்கு, ‘நடிகர்களிடம் கால்ஷீட் கேட்டு ஏற்கனவே பிஸியாக இருக்கும் நடிகர்களை இன்னும் சங்கடப்படுத்த விரும்பாமல்தான் விலங்குகளை வைத்துப் படம் எடுத்தேன்...’ என்கிறார்.

இனி வரும் படங்களிலாவது முழுக்க முழுக்க நடிகர்களை வைத்து படம் எடுப்பாரா???

அழுகிறது அலைபேசி........

2010-04-28T14:37:00.000+05:30

அதிகாலை சுப்பிரபாதமாய்

அம்மாவின் திட்டு

கண் விழித்தால்

உன் குறுந்தகவல் குட் மோர்னிங்.

சாப்பிட்டாச்சா,பல் விலக்கியாச்சா?

குளிச்சியா? என்ன டிரஸ் போடுறாய்?

கேள்வி கணைகளுடன்

தொடங்கிடும் அன்றைய பொழுது..

அம்மா பார்கிறார் ,

அப்பா வந்துட்டார்,

பக்கத்தில் ஆட்கள்,

அடிக்கடி துண்டிப்பு.

அச்சாரமாய் ஒரு முத்தம்.....

வேறு என்ன? ஒன்னும் இல்லை.

முக்கியமா ? அதுவும் இல்லை.

பிறகு கதைப்போம்! சம்மதம் இல்லை.

வைக்கவா? இன்னும் பேச தொடங்கவே இல்லை.

சிலிர்ப்பூட்டும் சம்பாஷணையில்

சிறக்கிறது சில நொடிகள்.....

குறுந்தகவல் எழுதி எழுதி

தேய்கிறது அழுத்தி..

திருக்குறளாய் உன் குரல் ஒழிக்க

தவம் இருக்கேனே சிறுக்கி.....

கனவிலும் நான்

கட்டாயம் வருவேன்
நள்ளிரவிலும் தொடரும்
நையாண்டி தர்பார்..

அழுகிறது அலைபேசி....
அநியாய காதலுக்காய்....

நீ.... என் சுவாசம்...

2010-03-27T11:14:00.000+05:30

அடிக்கடி மனதை ரிலாக்ஸ் செய்து கொள்ள எனக்கு உதவியாக இருப்பது இனிய மெல்லிசை பாடல்கள் தான். அதற்காக எவ்வளவு நேரம் வேண்டுமானாலும் செலவழிக்கலாம்.. அவ்வாறு பாடல்களை கேட்டபடி வேலைகளை மிக இலகுவாகவும், சோர்வு இல்லாமலும் செய்து முடிக்க இந்தவகையான மெல்லிசை பாடல்கள் எவ்வளவு உதவியாக இருக்கு...

அந்த வகையில் நான் பல வருடங்களுக்கு முன் கேட்ட இந்த பாடல் வரிகளாலும்,மெல் இசையாலும், பாடகியின் குரல் இனிமையாலும் என்னை வெகுவாக கவர்ந்தது. ஆனால் இவ்வகையான பாடல்கள் வந்த இடம் தெரியாமல் காணாமல் போய் விடுவது கவலைக்கிடமான விடயமே.

ஒருவழியாக இந்த பாடலை தேடி பிடித்து உங்கள் ரசனைக்கு விருந்து வைக்கிறேன்.

தற்கொலை எண்ணமா?! பிள்ளை பெறுங்கள்....

2010-03-26T20:37:00.000+05:30

யார் சொன்னது பிள்ளைய பெத்தா கண்ணீர் என்று.... அந்த கவிஞருக்கு தலையில் துண்டு போட்டுக்க சொல்லுங்க....

அதிகமாக பிள்ளை பெரும் அம்மணிகளுக்கு தற்கொலை எண்ணமே வராது என்று ஆய்வுகள் மூலம் கண்டறிய பட்டுள்ளது.
இந்த அராய்ச்சி மணி தைவான் நாட்டில் உள்ள கோசியுங் நகர மருத்துவ பல்கலைகழகத்தில் அடிக்கப்பட்டு உள்ளது.
அதாவது திருமணம் ஆன பெண்களிடமும், ஆகாத பெண்களிடமும் இந்த ஆய்வு நடத்தப்பட்டது.
அவர்களிடம் இருந்து பெறப்பட்ட கருத்துகளின் அடிப்படையில் சில தரவுகள் பெறப்பட்டன .
அப்போது திருமணமாகி அதிக குழந்தை பெறும் பெண்கள் தங்கள் வாழ்க்கையில் மகிழ்ச்சியும், அன்பும் நிலைத்து இருப்பதாகவும் இதனால் தங்களுக்கு தற்கொலை எண்ணம் வருவது இல்லை என்றும் தெரிவித்தனர்.

அதே நேரத்தில் ஒன்று அல்லது இரண்டு குழந்தை பெறும் பெண்கள் மன அழுத்தம் காரணமாக அதிக அளவில் தற்கொலை செய்து கொள்கிறார்கள் என தெரிய வந்துள்ளது.

ஒரு குழந்தை பெற்ற 1 லட்சம் பெண்களில் ஆண்டு 11 பேர் தற்கொலை செய்கின்றனர். அதே நேரத்தில் 2 குழந்தை பெறுபவர்களில் ஆண்டுக்கு 7 பேரும், 3 அல்லது 4 குழந்தைகளுக்கு மேல் பெறுபவர்களில் ஆண்டுக்கு 6 பேரும் தற்கொலை செய்து கொள்கின்றனர் என்ற புள்ளி விவரங்களையும் ஆய்வின் போது சேகரித்துள்ளனர்.

கடந்த 30 ஆண்டுகளாக இந்த ஆய்வு மேற்கொள்ளப்பட்டது. 13 லட்சம் தைவான் பெண்களிடம் இதுகுறித்து கருத்து கேட்கப்பட்டது

ஆக அதிகமா பிள்ளை பெற்று வளமாக வாழுங்கள் என்று நான் சொல்லல, ஆய்வு சொல்லுது.. ஆங்...

சும்மா சுகவானும் சன் செய்திகளும்..

2010-03-25T21:19:00.000+05:30

"இந்திய தொ(ல்)லை காட்சிகளில் ......முதன் முறையாக....." என்று எப்போதும் பரபரப்பை மட்டும் மூலதனமாக கொண்டு செய்திகள் என்ற போர்வையில் பல புருடாக்களை திரித்து வழங்கும் சன் தொலைகாட்சிகளின் அடுத்த குறி .....

சும்மா சொல்ல கூடாது..... "சும்மா சுகவான்கள்" சொல்லி வைத்தது போல மக்களை மயக்கும் மாயக்காரர்கள் தான்....... கள்ளு கடைக்கும் கல்கி கடைக்கும் (ஆசிரமத்துக்கும் ) என்னமா ஒரு லிங்க் உருவாக்கி இருக்கிறார்கள் என்றால் பாருங்களேன்....

இந்த " 'சன் ' மானத்தை" விரும்பாத தொலைகாட்ச்சிக்கு ஏன் இப்படி சாமியார்களின் மேல் இவ்வளவு கொடூர கொலைவெறி என்று கண்டுபிடிக்கம் முன்னர் "ரஞ்சித" ராணியை போல இன்னுமொரு "யுவரானிக்கும்" "கில்மானந்த" கசமுசா உள்ளதாக வெளியான செய்திகளை கண்டித்து ராணியம்மா சென்னையில் உள்ள காவல் துறை உயர் அதிகாரியிடம் மனு ஒன்றை சமர்பித்து இருக்கிறார்.....

இன்னும் எத்தனை பேர் லிஸ்ட் இல் இருக்காங்க???

ஆனால் நான் இந்த (ஆ)சாமிகளின் விடயத்தில் மட்டுமல்ல எல்லா செய்திகளின் தரவுகளை கொண்டு பொதுவாக சில விடயங்களை சொல்ல நினைக்கிறன்..

இந்த ஊடகம் தொடர்பில் அண்மைகாலமாக பல அதிருப்தி தரவுகள் நம் பதிவுலகிலும் அலசி ஆராயப்பட்டது... இவர்கள் செய்வது பச்சை தனமான ஊடக விபச்சாரம் என்பதை பலதடவைகள் பதிவர் நண்பர்கள் பேசிவிட்டார்கள். அதையும் தவிர்த்து இந்த செய்தியில் இருக்க கூடிய உண்மைநிலை என்ன என்பது யாருமே அறியாத , அறிய முடியாத நிலை..

ஏன் மறுபடியும் இந்த சமாசாரம் என் பதிவில் இடம்பெறுகிறது என்றால் கல்கி பகவான் தொடர்பிலும், அவரின் போதனைகள் தொடர்பிலும் எனக்கு ஓரளவு தெரியும் என்பதால்.

அதாவது சுமார் மூன்று வருடங்களுக்கு முன் எனது உறவினர் ஒருவர் எங்களுக்கு கல்கி பகவானின் ஸ்ரீ மூர்த்தியை பரிசாக கொடுத்தார். என் அம்மாவும் செண்டிமெண்டுக்காக அதை வீட்டில் வைத்தார்.இவரின் போதனைகளையும் தீட்சைகளையும் பற்றி அப்போதே நான் ஆராய தொடங்கிவிட்டேன். இவரின் படத்தில் இருந்து விபூதி, சந்தனம், குங்குமம், பன்னீர் எல்லாம் கொட்டுவதாக சொன்னார்கள். ஆனால் எனக்கு இந்த புருடாவில் நம்பிக்கை இல்லை...அந்த படத்தில் இருந்து வெறும் தூசிதான் கொட்டியது.

இப்போது இவரின் திருவிளையாடல் அம்பலமானதால் பலரின் புகார் குவியல்கள் அடுக்கடுக்காய் வந்து குவிகிறது.ஆனால் இவர்களின் அதி தீவிர பக்தர்கள் நம் ஊடகதுக்குள்ளும் ஊடுருவி இருப்பதால் பலர் சைலென்ட் ஆகிடாங்க....

ஆனால் சன் செய்திகளில் காட்டிய விடயங்களின் மேல் எனக்கு துளியளவும் நம்பிக்கை இல்லை. என் என்றால் எனக்கு தெரிந்த பலர் நேமம், வரதபாளையத்தில் உள்ள ஏகத்துவ பல்கலைக்கழகம் போன்ற இடங்களுக்கு சென்று தீட்சை பெற்று நல்லா படியாக திரும்பி இருகிறார்கள்.அவர்கள் அப்படி ஒன்றும் உலம்பி திரிவதாக எனக்கு தென்படவில்லை.

பின்னணி பாடகி சைந்தவி என்ன தலையை சொரிந்து கொண்ட இருக்கார்?!

சன் தொலைகாட்சியில் அறிவிப்பாளராய் இருக்கும் ஜெயஸ்ரீ நிகழ்ச்சிகளில் உலம்புவதாய் தெரிய வில்லையே?!....

இன்னும் சொல்ல போனால் இலங்கையிலும் பல முன்னணி உதாரணங்கள் இருந்தாலும் அதனை நான் வெளிக்காட்ட விரும்பவில்லை.

உண்மையில் சன் தொலைக்காட்சி தன்னை விளம்பர படுத்திக்கொள்ளவும், போலியான தரவுகளை பரபரபாகுவதிலும் காட்டிகொள்ளும் சிரத்தையை உண்மை தரவுகளை நேர்மையாகவும், நியாயமாகவும், நடுநிலையாகவும் தருவதில் காட்டினால் நல்லது தானே?

இதனால் நான் சாமியார்களுக்கு வக்காலத்து வாங்க வில்லை... ஆனால் அவர்களை வைத்து காமெடி பண்ணி சம்பாதிக்கிறார்கள் என்று தான் சொல்லுகிறேன்.....

பி .கு: அது சரி திருடனுக்குதான் தெரியும் திருட்டு தனம்........

வந்துவிட்டேன்..... இனி வறுவல்தான் !!!.......

2010-03-25T16:27:00.000+05:30

அடேங்கப்பா.... இந்த ஒரு மாதம் எப்படி போனது என்றே தெரியல.... அக்காவின் திருமணத்திற்காக குடும்பத்துடன் ஊர் பக்கம் போய் வந்ததில் ஒரு சந்தோசம்.. பலகாலம் கழித்து எல்லா உறவுகளையும் கண்டு கும்மியடித்த குதூகலத்தில் நாட்டு நடப்புகளை நோட்டம் விட்டு பதிவுலகில் ஆட்டம் போட முடியவில்லை....

ஆனாலும் நம்ம "கில்மானந்தாக்களின் " ஆட்டங்களும், "சும்மா சுகவான்களின் " பரபரப்புகளும் நம் பதிவர் சொந்தங்களை பிஸி ஆகிவிட்டதால் அகம் மகிழ்கிறேன்.......

போதாத குறைக்கு சில உள்ளக அரசியல் விளையாட்டுகளும் , கிரிகெட் கும்மிகளும் , ஆஸ்கர் அலம்பல்களும் பதிவர்களை பதற வைத்து இருக்கும் என்பதை அறிவேன்...

எனவே நம்மவர்கள் மென்று துப்பிய விடயங்கள் தவிர்த்து பல பளபளக்கும் பரபரப்புக்களை பதிவிட நான் ரெடி........

அது மட்டும் இல்லாமல் ஆங்காங்கே என் பயண அனுபவங்களும், பல கொசுறு கதைகளும் உங்களை வந்து சேரும்....

காத்திருங்கள்...... கலக்கலாம்.........

மகளிர் மட்டும்!!... தொடர்-1 (வரலாறும் பின்னணியும்.... )

2010-03-04T23:18:00.000+05:30

மார்ச் மாதம் என்றால் நம்ம அம்மணிகளுக்கு ரொம்ப ஷ்பெஷலானது . எதிர் வரும் எட்டாம் திகதி திங்கட்கிழமை மகளிர் தினம் வருதே..... அதனை சிறப்பிக்க இந்த பதிவு தொடர்..

பொதுவாக பெண்கள் சமாச்சாரம் என்றால் பேசிக்கொண்டே போகலாம். அதை வாசிப்பவர்களுக்கும் சலிக்காது. ஏன் என்றால் தினம் தினம் புது புது தகவல்கள் கிடைத்த வண்ணமே இருக்கும் என்பதில் ஐயம் இல்லை..

பெண்கள் விஷயம் என்றால் பொதுவாக எல்லோருமே மூக்கு நுழைக்க பார்ப்பது சகஜம்தானே?!

முதலில் இந்த மகளிர் தினம் கொண்டாட்டம் குறிப்பாக ஏன் இந்த மார்ச் மாதத்தில் கொண்டாட படுகிறது? என்ற வரலாறை கொஞ்சம் தூசு தட்டி பார்ப்போமே?!

வரலாறு ரொம்ப முக்கியம்.....

1789 ஆம் ஆண்டு ஜூன் 14 ஆம் திகதி சுதந்திரத்துவம், சமத்துவம், பிரநிதிநித்துவம் (அரசனின் ஆலோசனை குழுக்களில்) என்று கோரிக்கைகளை முன்வைத்து பிரெஞ்சுப் புரட்சியின் போது பாரிஸில் உள்ள பெண்கள் போர்க்கொடி உயர்த்தினர்!
ஆணுக்கு நிகராக பெண்கள் இந்தச் சமுதாயத்தில் உரிமைகள் பெற வேண்டும் என்றும், வேலைக்கேற்ற ஊதியம்இ எட்டு மணிநேர வேலை, பெண்களுக்கு வாக்குரிமை, பெண்கள் பெண்ணடிமைகளாக நடத்தப்படுவதிலிருந்து விடுதலை வேண்டும் என்று பெண்கள் கிளர்ச்சிகளில் ஈடுபட்டனர்!

கிளர்ச்சிகள் என்றால் அதன் தீவிரம் புரிவதற்கு அடுப்பூதும் பெண்கள்இடுப்பொடியப் பாடுபடும் பெண்கள் கையில் கிடைத்த ஆயூதங்களைக் கையில் எடுத்துக்கொண்டு பாரிஸ் நகரத் தெருக்களில் அணி திரண்டனர்.

புயலாகக் கிளம்பிய பூவையரை துரும்பாக எண்ணிய அந்நாட்டு அரசன் இடியென முழங்கி, "இவர்களை என் அதிகாரம் கொண்டு அடக்குவேன்" என்றும் "ஆர்ப்பாட்டத்தில் ஈடுபடுவோரைக் கைது செய்வேன்" எனவும் அறிவித்தான்.

ஆயிரக்கணக்கான பெண்கள் கூட்டம்! அவர்களுக்கு ஆதரவாக ஆண்களும் ஆயிரக்கணக்கில் கலந்து கொள்ள உற்சாகம் கரைபுரள, கோஷங்கள் வானைப் பிளக்க அரச மாளிகை நோக்கி ஊர்வலம் கொட்டும் மழையில் ஊர்ந்து சென்றது!

அரச மாளிகை முன்பு ஆர்ப்பாட்டத்தில் ஈடுபட்ட அனைவரையும் கைது செய்வோம் என்று மிரட்டிய அரசனின் மெய்க்காப்பாளர் இருவரையும் திடீரென கூட்டத்தினர் பாய்ந்து தாக்கிக் கொன்றனர்.

இதை எதிர்பாராத அரசன் அதிர்ந்து போனான். கோரிக்கைகளை கண்டிப்பாக பரிசீலிப்பேன். உங்களுக்குச் சாதகமாக அறிவிப்பேன் என்று ஆர்ப்பாட்டத்தில் கொதித்தெழுந்தவர்களைச் சமாதானப் படுத்தினான். ஆனால் அது இயலாது போகவே அரசன் லூயிஸ் பிலிப் முடிதுறந்தான். இந்தச் செய்தி ஐரோப்பிய நாடுகளில் வேகமாகப் பரவிட அங்கும் பெண்கள் போராட்டங்களில் ஈடுபட்டனர்!

தொடர்ந்து கிரீஸில் லிசிஸ்ட்ரடா தலைமையில் ஜெர்மனிஇ ஆஸ்திரியாஇ டென்மார்க் நாடுகளைச் சேர்ந்த பெண் பிரதிநிதிகள் கலந்துகொண்டு தொடர் போராட்டங்களில் ஈடுபட ஆளும் வர்க்கம் அசைந்து கொடுக்கத் தொடங்கியது.

இத்தாலியிலும் பெண்கள் இதுதான் சமயம் என்று தங்களது நீண்டநாள் கோரிக்கையான வாக்குரிமையைக் கேட்டு ஆர்ப்பாட்டங்களில் இறங்கினர்.

பிரான்சில் புருஸ்ஸியனில் இரண்டாவது குடியரசை நிறுவிய லூயிஸ் பிளாங்க் பெண்களை அரசவை ஆலோசனைக் குழுக்களில் இடம்பெறச் செய்யவும் , பெண்களுக்கு வாக்குரிமை அளிக்கவும் ஒப்புதல் தந்தான். அந்த நாள் 1848 ஆம் ஆண்டு மார்ச் 8 ம் நாளாகும்! அந்த மார்ச் 8 ஆம் நாள் தான் மகளிர் தினம் உலகெங்கும் அமைய ஒரு வித்தாக அமைந்தது.

அமெரிக்காவின் தொழிற்புரட்சி நகர் நியுயோர்க் இங்கு நெசவு தொழிலில் பெருமளவு பெண்கள் ஈடுபட்டிருந்தனர். இவர்கள் பதினாறு மணிநேரம் வேலை செய்து மிகக் குறைவான ஊதியத்தைப் பெற்றனர். அந்த ஊதியத்தைப் பெறுவதற்குக் கூட நிர்வாகத்தில் உள்ளவர்களின் உடற்பசிக்கு இணங்கினால் தான் கிடைக்கும் என்ற நிலை இருந்தது.

1857 இல் நியுயோர்க் நகரில் உழைக்கும் பெண்கள் கூடி குரல் எழுப்பினர். பெண்களின் முதல் குரல் ஒலிக்கத் தொடங்கியது அந்த பொன்னான நாளில்! தொடர்ந்து போராட்டங்கள் பெண்கள் அமைப்புகள் என்பன தோன்றின.

1908 இல் வாக்குரிமை கேட்டுக் கொதித்து எழுந்தனர் பெண்கள் . அன்றைய ஜனாதிபதி தியோடர் ரூஸ்வெல்ட்டே போராட்டத்தின் தாக்கம் கண்டு குலைந்து போனார். போராடினால் தான் உரிமைகள் கிடைக்கும் என்ற சிந்தனை உலகெங்கும் கிளர்ந்தெழுந்தது. அதன் விளைவு 1910 இல் ஹேகனில் சர்வதேச பெண்கள் மாநாடு கிளாரா அம்மையார் தலைமையில் கூடியது.

அதன் தொடர்ச்சியாக சர்வதேச மகளிர் அமைப்பு தோற்றுவிக்கப்பட்டது. இந்த அமைப்பின் சார்பில் 1911 ஆம் ஆண்டு மார்ச் 19 ஆம் திகதி ஜேர்மனி, ஆஸ்திரியா, டென்மார்க் மற்றும் சில ஐரோப்பிய நாடுகளிலிருந்து வந்து கலந்து கொண்ட மகளிர் பிரதிநிதிகளின் முதல் சர்வதேச மகளிர் தினத்தைக் கொண்டாடினர்.

இந்தக் கூட்டத்தில் தான் அரசன் லூயிஸ் பிளாங்க் பெண்களுக்கு வாக்குரிமை அளிக்க ஒப்புதல் அளித்த நாளான மார்ச் 8 ஐ நினைவு கூரும் வகையில் ஒவ்வொரு ஆண்டும் மார்ச் 8 ஆம் நாளை சர்வதேச மகளிர் தினமாகக் கொண்டாட முடிவு செய்து தீர்மானம் நிறைவேற்றினர்!

இந்த மாநாட்டில் கலந்துகொண்டு திரும்பிய பெண்கள் ஜேர்மனியில் பெண்கள் வாக்குரிமை கேட்டு மில்லியன் துண்டுப் பிரசுரங்களை நாடெங்கும் விநியோகித்தனர்.

ஜெர்மனியில் மகளிர் தொடங்கி வைத்த போராட்டங்கள், ஆர்ப்பாட்டங்கள் உலகெங்கும் மகளிர் தங்கள் பிரச்சினைகளுக்காக போராட வேண்டும். போராடினால் தான் உரிமைகளைப் பெற முடியும் என்று எண்ணத் தலைப்பட்டு போராடத் தொடங்கினர்!

அன்று தொடங்கிய போராட்டம் இன்றும் பல விதங்களில் தொடர்ந்து கொண்டிருக்கிறது. காலத்தின் தேவைக்கேற்ப மகளிர் தங்களின் சவால்களை முன்வைத்துப் போராடி வருகின்றனர்!

ஆனால் இன்னமும் போராட்டங்கள் மட்டும் ஓய்ந்த பாடு என்றால் இல்லை.....

.

கலக்குகிறார் "கல்கி ", கலங்குகிறார் நடிகை ரஞ்சிதா .போலி சாமி பகுதி -2

2010-03-03T19:27:00.000+05:30

நமக்கு நேரமும் காலமும் நல்லா இல்லை என்றால் உடனே சாமியிடமும் , சாமியார்களிடமும் போவதை வழமையாக்கி கொண்டு இருக்கிறோம். ஆனால், அந்த சாமிகளுக்கே இப்போது நேரம் சரியில்லை என்றால்??

உண்மை தான்.. இதோ இன்னுமொரு புகார்.

"ஸ்ரீ அம்மா பகவான் " என்று அழைக்கப்படும் பத்மாவதி சமேத ஸ்ரீ கல்கி பகவான் மீதே இந்த புகார் மழை..

கலியுகத்தின் தெய்வங்களாக போற்றபடுவதாக, இதுவரை காலமும் பக்தர்களின் இஷ்ட தெய்வமாக இருந்த கல்கி பகவான் மீது பக்தர்கள் கடும் புகார்கள் கூறி வருகிறார்கள்.

இவர்களின் ஆசிரமம் தென் இந்தியாவில் , சென்னையில் நேமம் என்ற இடத்திலும், ஆந்திர பிரதேசமான வரதபாளையம் என்ற இடத்திலும் அமைந்துள்ளது.

ஓனெஸ் பல்கலைகழகம் என்று இவர்கள் நடாத்திவரும் ஆசிரமங்களுக்கு வரும் பக்தர்களிடம் அனுமதிக்கு தனியாக, தரிசனத்திற்கு தனியாக, ஆன்மிக வகுப்புகளுக்கு தனியாக, அம்மாவின் "personal" தரிசனத்திற்கு தனியாக, பகவானின் ஆன்மிக உரை கேட்க தனியாக என ஒவ்வொன்றுக்கும் லிஸ்ட் போட்டு பணம் கொள்ளை அடிப்பதாக தெரிகிறது...

அவ்வாறே இங்கு இருக்கும் பக்தர்களுக்கு போதை மருந்து கலந்த பிரசாதம் வழங்கபடுவதாகவும் புகார்!.............

இதனால் கடுப்படைந்த பக்தர்கள் ஆசிரமங்களை தாக்கியும், காவல் துறையினரிடம் புகார் கொடுத்தும் இருப்பதாக அறியப்பட்டுள்ளது.

இதே வேளை,தமிழக முதல்வர் "கலைஞர் " கருணாநிதி இவ்வைகையான முறைபாடுகள் தற்போது அடிக்கடி கிடைபதால் இவ்வகை குற்றங்களை கண்டுபிடிக்க ஒரு குழுவை நியமித்து உள்ளதாக செய்தி ஊடகங்களுக்கு தெரிவித்தார்.

குறிப்பிட்ட இந்த கல்கி பகவானின் பக்தர்கள் உலகெங்கிலும் இருப்பது தெரிந்ததே.
இலங்கையிலும் இவர்களின் புகழ் கொடிகட்டி பறப்பது நானே கண்ணால் கண்ட உண்மை

இவர்களின் ஸ்ரீ மூர்த்தி என்று அழைக்கப்படும் திரு உருவ படங்களில் இருந்து விபூதி, சந்தனம், நெய் போன்றன கொட்டோ கொட்டென கொட்டியதை நான் கண்ணால் கண்டும் இருக்கிறேன். அதேசமயம் இவர்களின் அதீத பக்தர்கள் இவர்களின் வருகையின் பின்னர் பெரிய மாற்றங்கள் நிகழ்வதை உறுதி செய்தும் இருகிறார்கள்.

அப்படி என்றால் இவர்களை தரிசிக்க பணம் கொள்ளை அடிப்பது எவ்வகை நியாயம்?...

இனியாவது மக்கள் திருந்துவார்கள?!!!!

.

ஹாட் நியூஸ்:
இதே வேளை இதற்கு முதல் பதிவில் சுவாமி நிதியானதா தொடர்பான கானொளியில் உள்ள நடிகை "ரஞ்சிதா " என்பதை சன் நியூஸ் தொலைக்காட்சி சற்று முன் உறுதிபடுத்தி செய்திகளை வெளியிட்டுள்ளது....

யார் இந்த ரஞ்சிதா? ஒரு காலத்தில் சத்திய ராஜ் படங்களில் தோன்றிய உயரமான "அல்வா " நடிகை தான் இவர்....

சாமியை நம்பி நடுதெருவுக்கே வந்துவிட்டது ரஞ்சித மலரின் வாசம்..

நாறிபோச்சி....

.

போலி சாமியாரின் கில்மா அம்பலம்..... (அடல்ஸ் ஒன்லி..)

2010-03-03T17:00:00.000+05:30

கொஞ்ச காலம் இந்த போலி சாமிகளின் அலம்பல்கள் தெனிந்தியாவை கலக்கி கொண்டு இருப்பது கேள்விபட கூடியதாக இருக்கிறது...

பிரேமானந்தா சுவாமிகள் தொடங்கி இப்போது நித்தியானந்தா வரை நிம்மதி இல்லாமல் திரிகின்றனர் தமிழக மக்கள்....

தென் இந்தியாவை கலக்கி கொண்டிருந்த இந்த நித்தியானந்தா ஸ்வாமிகள் பற்றிய "கில்மா " காணொளியை நேற்று பரபரப்பு செய்திகளுக்கு பெயர் போன சன் நியூஸ் தொலைக்காட்சி அம்பலபடுத்தி இருந்தது.

குறிப்பிட்ட இந்த கானொளியில் பிரபல நடிகை ஒருவரும் தொடர்பு பட்டு உள்ளதாக தெரிகின்றது...

அந்த நடிகையின் பெயர் கூட "R" எழுத்தில் தொடங்குவதாக கொசுறு தகவல் வேறு......

இந்த காட்சிகளின் அடிப்படையில் சாமிக்கும் "R"அம்மணிக்கும் பலகால பழக்கம் இருக்கறது போல.......

ஆனால் இதுவரை அந்த "R" யார் என்பது புரியாத புதிர் தான்!..

(நீங்களாவது காணொளி பார்த்து கண்டு பிடிப்பீர்கள????)

கடந்த காலங்களில் ஆனந்த விகடன்,விஜய் தொலைக்காட்சி போன்ற தென் இந்திய ஊடகங்களிலும் இவர்பற்றி பல "நல்ல" தகவல்கள் வெளியாகிய வண்ணம் இருந்தது. அதனை தொடர்ந்து இவரின் ஆன்மீக சொற்பொழிவு கேட்க பல பக்த கோடிகள் திருவண்ணாமலை நோக்கி படை எடுதமையும், அதே சமயம் இவர் தொடர்பான பக்தி கீதங்களையும் பாடி உள்ளமையும் குறிப்பிடத்தக்கது.

இப்போ சாமியின் ஆசாமிதனம் கண்டு கதிகலங்கியுள்ளனர் பக்தகோடிகள்

நல்ல சாமிதான்......

வாழ்வின் வலிமை!!!..

2010-02-26T11:53:00.000+05:30

மனித வாழ்க்கை என்பது வலிமை பெற வழிகள் ஏதும் உண்டோ? இது நமக்குள் அடிக்கடி எழும் கேள்வி ஆகும்..உண்மையில் வாழ்க்கை வலிமை பெறவும், கிடைத்த வாழ்கையை வலி இன்றி வாழவும் முயற்சிக்காத மனிதர்களே இல்லை தானே?

அப்படி என்றல் வலிமையான வாழ்கையை நமக்கு கற்பிப்பது எது?

உங்கள் வாழ்கையை வலிமையானதாக மாற்றியது எது?

வலிமையான வாழ்கையை பெற உங்களுக்கு வேண்டியது எது?

இதனை கேள்விகளுக்கும் உங்களின் மத்தியில் பலதரப்பட்ட பதில்கள் கிடைக்கும்,

பணம்
தாயின் அன்பு
உறவுகள்
நட்பு
கல்வி
காதல்

இவ்வாறு காரணங்களை அடுக்கிக்கொண்டு போகலாம்.....

ஆனால் இவை யாவையும் விட ஒரு இன்றியமையாத காரணம் ஒன்று உள்ளது. அந்த காரணமே மற்றைய காரணங்களை விட உயர்ந்தது, சிறந்தது......

வலி.....

"கண்ணீரை போன்ற நண்பன் இல்லை!!!" . இது ஒரு சினிமா பாடலின் வரி.. உண்மைதான். உங்களின் மன வேதனையை போக்கவென கொஞ்ச நேரம் ஒரு துளி கண்ணீரை சிந்தி பாருங்கள்.. அதை விட சிறந்த ஆறுதல் இல்லை என்கிறார் ஒரு அறிஞர் .

"கண்ண கசக்கிட்டா எல்லாம் சரியா? " என்று கேட்காதீங்க... கொஞ்சம் அழுது பாருங்க.....

உங்களின் வலிகளை உணருங்கள்..

அவற்றை ஆசையுடன் அனுபவியுங்கள்....

காலபோக்கில் வலிகளின் சுமையைகூட சுகமாக உணர்வீர்கள்.......

"வாழ்வென்பது வலிமைபெற வலிகளை தேடிடின்,

வலிகளே வழிகளாய் மாறிடும்......

வலிகளே வழிகளாய் வல்லமை பெறும்போது

வலிகொண்ட வாழ்கையே வல்லமைக்கு வழியாகும்".............

வியாபஹி

ALL I SEE IS YOU...

2010-02-26T11:10:00.000+05:30

I remember us,
the way we used to be,
I'd hold you in my arms,
your smile so sweet to me,

But now when I see you,
you look right through me,
I feel so alone now,
but when I close my eyes...

...All I see is you.

The love we used to share,
gone up in whirl winds,
will I ever love,
or ever live again,

I am tired of crying,
and I am done trying,
To remember all about you,
but when I close my eyes...

...All I see is you.

All the love I am sending,
the memories I won't sell,
I know there must be an ending,
to the story I will tell,

I dream only of your love,
and happiness in life,
I try not to think of you,
but when I close my eyes...

..All I see is you.

சக பதிவர்களுக்கு ஒரு ஆதங்க மடல்!!!...

2010-02-17T21:32:00.000+05:30

என் இனிய பதிவர் சொந்தங்களே,
மின்மவியல் ஊடகத்தின் ஒரு புதிய பரிணாமம் இந்த வலைப்பூக்களும், பதிவுகளும். எந்த ஒரு விடயத்திற்கும் பதிவு என்பது இன்றி அமையாதது என்பது யாவரும் அறிவோம்.

சரியோ , தவறோ, நல்லதோ , கெட்டதோ, உண்மையோ, பொய்யோ, நமக்கு தெரிந்ததை மற்றையோருடன் பகிர நமக்கு கிடைத்த மகத்தான பொக்கிஷம் இந்த வலைபதிவு ஊடகம்.ஆனால் கையில் கிடைத்த கத்தியை கொண்டு நம் கண்களை கொத்திக்கொள்ளும் அளவிற்கு இன்றைய பதிவுலகம் இருப்பது கவலைக்கிடமான விடயமே....

அவரவர் சொந்த ஆக்கங்களுக்கு ஊக்கம் கொடுக்கும் வகையில் பல திரட்டிகளும், பதிவகங்களும் இருப்பது ஆரோக்கியமானதொரு விடயமே. அதேவேளை தனிப்பட்ட விருப்பு வெறுப்புகளால் சில "அனாமத்து " பேர்வழிகளின் சில்லறைத்தனமான விளையாட்டுகளால் உண்மையாகவும், ஆர்வத்தோடும் பதிவிடுவோருக்குள் ஒரு வெறுப்பு தோன்றி இருப்பது இன்றைய உண்மை நிலை.

பதிவுகளுக்கு ஆக்கபூர்வமான விமர்சனங்கள் என்பதுவே அணைத்து பதிவர்களின் எதிர்பார்ப்பு ஆகும்.இதில் சரியோ, தவறோ சுட்டிகாட்டபடுவது நல்லதே. ஆனால் சம்பந்தமே இல்லாத சில ஆசாமிகள் கருத்து சொல்வதும், கண்டதையும் கண்டபடி விமர்சிப்பது சம்பந்தப்பட்டவரை மட்டும் அல்ல, ஒட்டு மொத்த பதிவிடும் சொந்தங்களையும் அவமானபடுதுவதாக இருக்கிறது.

இவ்வளவு காலமும் இந்த "அனாமத்து " பிரச்சனை பல பதிவர்களை மனதளவில் காய படுத்தி இருப்பதுவும் , அதை பலரும் வெளிக்காட்டாமல் பதிவிடலை தொடரவும் முடியாமல், நிறுத்தவும் முடியாமல் தடுமாறிக்கொண்டு இருப்பது வழமையாகிய விடயமாகிபோனது!.

அவ்வப்போது பதிவர்கள் மத்தியில் சுவாரஷ்யமானதும் ஆரோகியமானதுமான சண்டைகளும், போட்டிகளும் , கருத்து பரிமாற்றல்களும் படிப்போர் மனதை உற்சாகபடுத்தி இருந்தது உண்மை. அதேவேளை அடுத்த சந்திப்பில் சண்டைகளை மறந்து அவரவர் கைலாகு செய்துகொல்வதுவும், கட்டி புரல்வதுவும் கண்ணால் கண்ட உண்மை ஆகும். உண்மையாக சொல்லபோனால் எம் பதிவர் சொந்தங்கள் யாரும் எந்த ஒரு கெட்ட எண்ணத்தோடு இதுவரை பதிவிடவோ அல்லது கருதிடவோ இல்லை என்பது யாம் அறிவோம். ஆனால் ஊர் பேர் இல்லாத பொறம்போக்குகள் சிலதுகளின் விளையாட்டு பதிவர் சொந்தங்களுக்குள் கசப்பான பிரச்சனைகளை உருவாகிவிடுகிறது.
எனவே, என் அன்பான பதிவுலக சொந்தங்களே, நீங்கள் அறியாதது ஒன்றும் இல்லை. இவ்வகையான விஷமிகளுக்கு எதிராக உரிய நடவடிக்கை எடுக்க நாம் யாவரும் ஒன்று திரள்வோம்...

இதுவே இந்த வியாபஹி யின் தாழ்மையான வேண்டுகோள்!!!!

"ஒன்ற பட்டால் உண்டு வாழ்வு!...."

பி.கு : எழுதும் பதிவுகளுக்கு ஓட்டு இடும் சாக்கில் மைனஸ் ஓட்டுக்களை சரமாரியாக (அதுவும் சம்பந்தமே இல்லாமல் ) குத்தி தொலைக்கும் தனவான்களுக்கு ஒரு தாழ்மையான வேண்டுகோள், இனியாவது ஒரு பதிவை முழுமையாக வாசித்து, யோசித்து அதுவும் மைனஸ் ஓட்டு குத்தும் தகுதி உங்களுக்கு இருக்கிறதா என்பதை பலதடவைகள் யோசித்து, குத்துங்கள்.
ஆக்கபூர்வமான கருத்துக்கள் அனைத்தையும் ஏற்கும் தகுதி எனக்கு உண்டு............

ஒண்ணுமே இல்லைங்க !!!

2010-02-08T13:48:00.000+05:30

இது காதலர்களின் திருவிழா காலம்... எல்லா இளசுகளும், பெருசுகளும் குஷியாய் குதூகலிக்கும் நேரம்.... உலகமே பெப்ரவரி மாதத்தை கொண்டாடும்போது நம்ம பங்கிற்கு ஏதாவது பதிவிடலாம் என்ற எண்ணம் தோன்றியது.......

பொதுவாக காதலர்களை கவனித்தால் மணிகணக்கில் பேசுவார்கள், பேசுவார்கள், பேசிக்கொண்டே இருப்பார்கள்.....
ஆனால் அப்படி என்னதான் பேசுவார்கள் என்றால் தெரியல என்பார்கள் ...

அடுத்த படியாக ஊடல் என்பார்கள் . சண்டை போடுவதை கட்டாய கடமையாக அனுஷ்டிப்பார்கள். அதற்கு காரணம் என்ன என்றாலும் தெரியாது.... என்பார்கள்...

இதில் சுவாரஷ்யமான விடயம் என்ன என்றால் , பிரிந்தவர்கள் சேரும்போது.....அப்பப்பா .... அந்த நேரம் அவர்களின் குலைவுகளும் , நெளிவுகளும்....
ம்ம்மம்மம்ம்ம்ம்

இந்த நேரத்தில் முக்கியமாக நாம் பார்க்க வேண்டியது காதலுக்கு தூது போகும் இளிச்ச வாய் பெருமக்களைதான்...
உண்மையில் இவர்கள் மிகவும் பாவம் செய்தவர்கள்தான்
பந்துபோல அங்கும், இங்கும் அலைந்து திரிந்து இருவருக்கிடையில் சம்பந்தமே இல்லாமல் சள்ளடிபடும் சாமர்த்தியசாலிகள் இவர்கள்.
உண்மையில் காதலனுக்கும், காதலிக்கும் கோயில் கட்டுவதை நிறுத்திவிட்டு, இந்த மாதிரி அப்பாவிகளுக்கு கோயில் கட்டினால் புண்ணியமாவது கிடைக்கும்...

ஒரு அனுபவசாலி பெருமகன் கிறுக்கிய கவிதை இதோ!!!

ஒற்றை முத்தம் – கவிதைகள்

நாலு மணி நேரமா
அப்படி என்னதாண்டா
பேசுவீங்க?

எப்படி சொல்வது என் நண்பனிடம்?

ஒண்ணே ஒண்ணு கொடுவையும்,
மாட்டேனையும் தவிர
நாம் வேற எதுவுமே
பேசிக்கொள்ளவில்லை என்று.

இறுக்கியணைத்த உந்தன் கதகதப்போ,
காயங்கள் தந்த நகக் கீறல்களோ
‘என் செல்லம்’ எனும் உன் கொஞ்சலோ
சற்றும் சொல்லவில்லை.

நான் தூங்கிவிட்டதாய்
நினைத்துக்கொண்டு,
என் நெற்றிப்பொட்டில்
நீ தந்துவிட்டுப் போகும்
ஒற்றை முத்தத்தில்
தெரிந்துகொண்டேன்.
என் மீதான உன் காதலின் அளவை.

ஒன்னே ஒன்னு கொடேன்?,
மாட்டேன்!!! .
ப்ளீஸ் பா,
முடியாதுன்னா முடியாதுதான்.. .
போடி .
போடா .

SMS ல் கூட
ஒற்றை முத்தத்தை
தர மறுக்கும்
உன் திமிரை விடவா
அழகிய கவிதையை
எழுதிவிடப் போகிறேன்??

நன்றி: இணையம்
...................................................................................

பி.கு: இந்த மாதிரி ஒண்ணுமே இல்லாத விஷயத்தை மணிகணக்கில் ஆராய்வதில் அப்படி என்ன ஆனந்தமோ?

மசாலா மன்சூரியன்... (2)"

2010-02-05T18:06:00.000+05:30

ரொம்ப பசியோடு மன்சூரியனை சுவைக்க காத்துகொண்டிருந்த உங்களுக்கு இதோ அடுத்த சூப்பர் டிஷ்......

62 வது வருட சுதந்திர தினத்தை சைலென்ட் ஆக கொண்டாடிவிட்டு , அடுத்த ஆட்டம் எதுவென்று தெரியாமல் முழித்துகொண்டு இருக்கும் அரசியல் பிரமுகர்கள், வரப்போகும் பாராளுமன்ற தேர்தல் ஆட்டத்துக்கு சுடச்சுட தயாராகும் இந்த சமயத்தில்,மறைந்த, மலையாக மக்கள் முன்னணியின் தலைவர் பெ.சந்திரசேகரனின் பதவி வெற்றிடத்தை சரிசெய்ய எஸ். அருள்சாமி இன்று சத்தியபிரமாணம் செய்து கொண்டார்....

அவர் மட்டும் இல்லைங்கோ , தென் மாகாணம், பத்தேகம தேர்தல் தொகுதியின் ஸ்ரீ லங்கா சுதந்திர கட்சியின் அமைப்பாளராக நிஷாந்த முத்து ஹெட்டிகமாவும் , ஜனாதிபதி தேர்தல் சமயமா பார்த்து ஐக்கிய தேசிய முன்னணியில் இருந்து ஸ்ரீ லங்கா சுதந்திர கட்சியின் பக்கம் எட்டி பார்த்த எஸ்.பீ. திசாநாயக்க அவர்களுக்கும் ஜனாதிபதியின் விஷேட பணிப்புரையின் பேரில் ஸ்ரீ லங்கா சுதந்திர கட்சியின் கண்டி, உடுநுவர தேர்தல்தொகுதியின் அமைப்பாளர் பதவியும் வழங்கப்பட்டு இருக்குது என்றால் பார்த்துகொள்ளுங்கள்!!!....

வந்தோரை வாழ வைக்கும் நல்ல பண்பு இதுதானோ?!... வெரி குட்!! கீப் இட் அப் ...

ஹையா என்று சந்தோஷபடும் முன்னாடி ஹைகோர்ப் சமாசாரம் ஹைலைட் ஆகுது...

அது என்ன கன்றாவி ஹைகோர்ப்? என்று குழம்பாதீங்க. ஜனாதிபதி தேர்தல் சமயம் முன்னாள் ராணுவ தளபதிக்கு முட்டுகட்டையாக இருந்த ஆயுத கொடுக்கல் வாங்கல் குளறுபடி விஷயம் தான். இதுக்கும் தனக்கும் எந்த சம்பந்தமும் இல்லை என்று கற்பூரத்தை அணைத்து சத்தியம் செய்யாத குறையாக சரத் பொன்சேகா சொல்லி இருந்தாலும், அவரது மருமகன் தானுன திலகரத்ன மீது விசாரணை மேற்கொள்ள புலனாய்வு பிரிவினர் ஆயத்தமாகி இருந்தார்கள். இந்த மேட்டர் அவருக்கு தெரிய வந்ததும், தமிழ் பட ஸ்டைளில் நெஞ்சை பிடித்துகொண்டு ஒரு தனியார் வைத்தியசாலையில் படுத்துகொண்டாராம் மனிதர்.

முதல்ல இவருக்கு ஒரு அவார்டை கொடுங்கப்பா !!...

நடிப்ப பத்தி பேசினா , நடிக்க தெரியாத ஒருத்தர் பத்தியும் கதைக்கணுமே ?!... போன பதிவில் தான் லிட்டில் சூப்பர் ஸ்டார் "கோ "படத்தில் நடிப்பதாக சொன்னேன். யார் கண்ணு பட்டதோ தெரியல, அந்த படத்தில் இருந்து விலகி விட்டாராம் சிம்பு.

காரணம் என்னானா , நல்ல போய்கொண்டு இருந்த " கோ " படப்பிடிப்பின் இடையில் ஹீரோயின் தமன்னா விலகிக்கொள்ள, கடுப்பாகி விட்டாராம் சிம்பு. அவருக்கு பதிலாக கார்த்திகாவை ஒப்பந்தம் செய்ய , முடியாது என்று குழம்பி விட்டாராம் . இந்த சப்ப மட்டேரை சமாளிக்கனுமே என்று, " நிக் ஆர்ட்ஸ் சக்கரவர்த்தி தயாரிக்கும் 'வாலிபன்' படத்தை உடனே தொடங்க உள்ளதால் சமாளிக்க முடில்ல !!" என்று பிளேட்டையே மாத்திவிட்டாராம் லிட்டில் சூப்பர் ஸ்டார்...

குழப்பமே இல்லாமல் படம் இயக்குவதுதான் என் பாணி. சிம்பு வாலிபன் படத்திலேயும் கவனம் செலுத்திக் கொண்டு என் படத்திலும் நடிப்பதென்பது நமக்கு சரிப்படாது என்கிறாராம் இயக்குனர் கே.வீ. ஆனந்த்.

இலாஸ்டிக்கை இரண்டு பக்கமும் இழுத்ததில்... பிஞ்சுபோச்!!..

லிட்டில் சூப்பர் ஸ்டாரின் கூத்து ஒரு பக்கம் இருந்தாலும், அல்டிமேட் ஸ்டார் நடிக்கும் "அசல்" பெரும் எதிர்பார்ப்புடன் இன்று வெளியாகிறது.. ரொம்ப நாள் கழித்து வரும் அஜித் படம் என்பதால் தலயின் ரசிகர்கள் பெரும் குஷியாக இருக்கிறார்கள்...

ரசிகர்கள் கூத்தாட இன்னுமொரு சூபர் செய்தி இருக்குதில்ல.....

இளையதளபதி, அல்டிமேட் ஸ்டார் மற்றும் சீயான் விக்ரம் மூவரும் ஒரே மேடையில் ஆடி ரசிகர்களை குஷிபடுத்த இருக்கிறார்கள்.அதுவும் ஏ.ஆர். ரகுமான் இசையில் , கலைஞர் கருணாநிதி எழுதிய பாடலுக்குதான் இந்த ஆட்டம், கொண்டாட்டம் எல்லாமே.

இந்த நல்ல விஷயம் எதிர்வரும் 6ஆம் திகதி கலைஞர் கருணாநிதிக்கு தமிழக திரையுலகம் எடுக்கும் பாராட்டு விழாவில் நடக்க இருக்குது...

போன மன்சூரியனில் இந்த விழா நடக்க இருபது பற்றி ஒரு கொசுறு செய்தி சொல்லி இருந்தேன்.ஆனால் எதுக்கு இந்த விழா என்று சொல்லவில்லை. இப்போ சொல்றேன்.

தென் இந்திய திரைப்பட தொழிலாளர்கள் சங்கமான"பெப்ஸி " க்கு முதல்வர் கருணாநிதி நில ஒதுக்கீடு செய்ய இருக்கிறாராம். அதற்க்கு நன்றி தெரிவிக்கும் முகமாக ,சென்னை நேரு உள்ளக விளையாட்டரங்கில் நடைபெற இருக்கும் இந்த கலை நிகழ்விலேயே இவ்வளவு சமாச்சாரமும் இருக்கு என்று சொல்லப்படுகிறது.

இதன் ஹைலைட்டாக இசை அமைப்பாளர் ஹாரிஸ் ஜெயராஜும் அவர் பங்கிற்கு முதல்வரை வாழ்த்தி ஒரு பாடல் இயற்றியுள்ளதாகவும், அந்த பாடலை திப்பு, ஹரிசரண் உள்ளிட்ட முன்னணி பாடகர்கள் பாடவுள்ளதாகவும் தெரிவிக்கப்பட்டுள்ளது.

அம்மாடியோவ்!!!கலக்கல்தான் ...

அந்த கலக்கல் செய்தியுடன் இன்னும் ஒரு சுவையான சமாசாரம்... விருது வாங்கிய சூட்டோடு விஷாலை வைத்து அடுத்த படம் எடுக்க தயாராகிவிட்டார் இயக்குனர் பாலா.படத்துக்கு "அவன் இவன் "என்று தலைப்பும் வைத்து விட்டார்கள்.

இந்த படத்தில் தமது சிக்ஸ் பேக்குக்கு வேலை வைப்பாரா விஷால்?!!...

இந்திய சினிமா குதூகலமா இருக்கும் போது , இலங்கை சினிமாவுக்கு ஒரு இழப்பு செய்தி.

இலங்கை மேடைநாடக மற்றும் முதுபெரும் சினிமா நடிகருமான எச்.ஏ .பெரேரா இன்று காலமானதாக வந்த செய்தியே அது.இவர் "தூ தருவோ " உள்ளிட்ட பிரபல தொலைகாட்சி நாடகங்களிலும் , திரைப்படங்களிலும் நடித்துள்ளமை தெரிந்ததே. இவரின் இழப்பு சிங்கள திறைதுறையினருக்கு பேரிழப்பாகும்....

எல்லா சுவைகளையும் கொண்டதுதான் மன்சூரியன்... அங்கங்கே கொஞ்சம் கசந்தால் நல்லதுதானே!!!

கவலையாக எவ்வளவு காலம்தான் காலத்தை ஓட்டுவது. நம்ம மெக்ராத் போல அடுத்த ஸ்டெப்கு நகர வேண்டாமா?!..

எல்லாம் கிளுகிளு மேட்டர்தான்..புற்று நோயில் தனது மனைவியை இழந்த ஆஸ்திரேலிய கிரிகெட் அணியின் முன்னாள் வேகப்பந்து வீச்சாளர் கிளென் மெக்ராத், மனைவியை இழந்த சோகத்தை போக்கவென புதிய காதலியை தேடி பிடித்துள்ளாராம்.. இருவரும் அடிக்கடி சிட்னியில் உள்ள ஒரு உணவு விடுதியில் சந்தித்து கொள்வார்களாம்.....

சந்தோசப்படுற சமாச்சாரமா இது?!!.... நடக்கட்டும் நடக்கட்டும்........

ஓகே ஓகே..... வயிறு முட்ட ஒரு புடி புடிதீர்களா?!.... கொஞ்சம் ஓய்வெடுத்துவிட்டு வாங்க.... அடுத்த அயிட்டம் தயாராகும் வரைக்கும்......

(நமக்கும் ஒய்வு வேணுமாக்கும்.....)

மசாலா மன்சூரியன்... (1) "

2010-02-03T16:35:00.000+05:30

தலைப்பை போல சொல்லபோற விடயங்களும் மசாலா சமாச்சாரம்தான்..ஒன்றிலொன்று சம்பந்தமா என்று பார்க்காமல் சுவைத்திடுங்கள்.

ஜனாதிபதி தேர்தல் முடிவுக்கு வந்தபோதும் அதன் சுவாரசியம் இன்னமும் குறைந்த பாடில்லை..

கடந்த மாதம் 25 ஆம் திகதி இடம்பெற்ற தேர்தல் வன்முறையின் போது பலத்த காயமடைந்த ஜேவிபி யின் உறுப்பினரும், அம்பலாங்கொட பிரதேச நகரசபை உறுப்பினருமான சந்திரதாச நைதுவது நேற்று பலபிடிய பொது வைத்தியசாலையில் மரணமானார். அத்துடன் ஜனாதிபதித் தேர்தலில் இடம்பெற்றதாகக் கூறப்படும் முறைகேடுகள் தொடர்பில் விசாரணை நடத்துமாறு நோர்வேயின் சர்வதேச அபிவிருத்தி அமைச்சர் எரிக் சொல்ஹெய்ம், ஜனாதிபதிக்கு வாழ்த்துசெய்தியை சொல்லும் சாக்கில் வாழைபழத்தில் ஊசி ஏற்றுவதுபோல விடுத்த கோரிக்கையை இலங்கை அரசாங்கம் நிராகரித்து, அரசாங்கத்தின் உள்விவகாரங்களில் தலையீடு செய்ய அவருக்கு உரிமை இல்லை எனவும் தெரிவித்துள்ளது.

இப்பதான் அரசாங்கம் காந்திய கொள்கையை சரியாக பின்பற்றுகிறது......

ஓட்டை பாத்திரத்தை நம்பி பிச்சை எடுத்த கதையாகிவிட்டது முன்னாள் ராணுவ தளபதியின் நிலை.. தேர்தலுக்கு முன்னர் தோல் கொடுத்தவர்கள், அட்ரஸ் இல்லாமல் காணமல் போய்விட மாட்டிகொண்டு முழிக்கிறார் மனிதர்.இதனால் பீதியடைந்த பொன்சேகா தனது மகள்மார் அபர்ணா மற்றும் அப்சராவை அமெரிக்காக்கு அனுப்பிவிட்டாராம். இதில் முக்கியமாக சொல்ல வேண்டியது என்னவென்றால், ஜெனரல் சரத் பொன்சேகா இராணுவ தளபதியாக கடமையாற்றிய காலப்பகுதியில் அவரால் தண்டனை விதிக்கப்பட்ட பிரிகேடியர் சுமித் மன்னவடுவே கடந்த செவ்வாய்க்கிழமை இரவு ட்ரான்ஸ் ஏசியா ஹோட்டல் மீதான முற்றுகை நடவடிக்கைகளை நெறிப்படுத்தினார் என்று எதிர்க்கட்சி வட்டாரங்களிலிருந்து அறியவருகிறது.

இது அறுவடை காலம்...

இலங்கையின் இப்போதைய லிட்டில் சூப்பர் ஸ்டார் சரத் பொன்சேகா என்றால் தெனிந்திய லிட்டில் சூப்பர் ஸ்டார் சண்டைக்கு வரமாட்டார?! இன்று பிறந்த நாள் கொண்டாடும் அவருக்கு வாழ்த்துக்கள்!. "கனா கண்டேன்" என்ற திரைப்படத்தை இயக்கிய கே .வீ. ஆனந்தன், (சிவாஜி படத்தில் ஒளிப்பதிவாளரும் , பல்லேலக்கா பாடலுக்கு கையிலுள்ள செல்போனை வீசி நடித்தவரும் இவர்தானுங்க.. ) புதிதாக இயக்கிவரும் "கோ " என்ற படத்தில் நம்ம லிட்டில் சூப்பர் ஸ்டார் சிம்பு என்கிற சிலம்பரசன் படு பிஸியாக நடித்து வருகிறாராம்.
அத்துடன் லிங்குசாமியின் திருப்பதிபிரதர்ஸ் தயாரித்து பூபதிபாண்டியன் இயக்கவிருக்கும் புது படத்துக்கு கால்ஷீட் உம் கொடுத்து வைத்து இருக்கிறார். இந்த படத்துக்கு "உத்தம புத்திரன்" (பெயரிலாவது இருக்கட்டுமே!!) என்ற பெயர் வைக்க சிபாரிசு செய்யப்பட்டுள்ளதாம். ஆனால் நடிகர் திலகம் சிவாஜி கணேசன் நடித்த திரைபடத்தின் பெயர் என்பதால் உரியவர் அனுமதி கிடக்கும் வர யோசித்துக்கொண்டு உட்கார்ந்து இருகிறாராம் சிம்பு... அத்தோடு அவர் நடித்து விரைவில் வெளியாகவிருக்கும் "விண்ணை தாண்டி வருவாயா" வின் பாடல்கள் ஹிட் ஆனா சந்தோசத்தில் பெரிய எதிர்பார்ப்புடன் இருக்கிறார் லிட்டில் சூப்பர் ஸ்டார்.
அவருக்குதான் நடிக்கவே தெரியாது என்று சிம்புவே சொல்லி இருக்காரே?! பிறகு ஏன்பா அவர கொடுமை படுத்துறீங்க!!!.

சிம்புவுடன் நடித்த ராசியோ என்னமோ, இனிவரும் தமிழ்படங்களில் நடிக்க த்ரிஷாவுக்கு தடை விதிப்பு செய்யப்பட்டுள்ளது. காரணம் என்னானா... நம்ம கலைஞர் கருணாநிதிக்கு எதிர்வரும் 6ஆம் திகதி பெரிய பாராட்டு விழ நடத்த இருக்கிறது தமிழ் நாடு திரைப்பட துறை . இந்த கலை நிகழ்ச்சியில் குத்தாட்டம் போடா த்ரிஷா, ப்ரியாமணி மற்றும் ஸ்ரேயா ஆகிய நடிகைகள் மறுத்துவிடவே தென் இந்திய திரைதொளிலாளர்கள் சங்கமான "பெப்ஸி" இதுகளுக்கு ஒத்துழைப்பு தரமாட்டோம் என்று முடிவாக சொல்லி விட்டதாம்.... இதனால் இந்த நடிகைகள் தமிழ் படங்களில் நடிக்க சிக்கலா இருக்குதாம்...

முப்பெரும் தேவிகளுக்கே இந்த கதியா என்று ஏங்குகிறது இளையோர் சமூகம்..ஹம்ம்ம் !!!

மலையாளமும், தமிழும் கலந்து பேசி நடித்துவந்த மலையாள நடிகர் ஹனீபா தனது 59 ஆம் வயதில் மாரடைப்பால் மரணமானதாக தெரியவந்தது.சென்னை ராமச்சந்திரா மருத்துவமனையில் சிகிச்சை பெற்றுவந்த அவர் இன்று காலை இயற்கை எய்தியுள்ளார்.

1951 ஆம் ஆண்டு கேரளாவில் உள்ள கொச்சியில் பிறந்தவர் ஹ‌னீஃபா. இவரது இயற்பெயர் சலீம் அகமது கோஷ் (Salim Ahamed Goush). கேரளாவின் புகழ்பெற்ற கொச்சின் கலாபவன் மிமிக்கி‌ரி குரூப்பில் இவரும் ஒரு அங்கத்தினர். 1979ல் நடிக்கத் தொடங்கிய ஹ‌னீஃபா இதுவரை மலையாளம், தமிழ், இந்தியில் 300‌க்கும் மேற்பட்ட படங்களில் தனது திறமையை வெளிப்படுத்தியிருக்கிறார்.
நடிகர் என்பதற்கும் மேலாக ஸ்கி‌ரிப்ட் ரைட்டர், இயக்குனர் என்ற ப‌ரிமாணமும் இவருக்கு உண்டு. மலையாளத்தில ஏழு திரைப்படங்கள் இயக்கியிருக்கும் இவர், தமிழில் பாச‌ப் பறவைகள், பாச மழை, பகலில் ஒரு பவுர்ணமி உள்பட ஆறு திரைப்படங்கள் இயக்கியிருக்கிறார்.
கமலின் மகாநதி ஹ‌னீஃபாவுக்கு திருப்புமுனையாக அமைந்தது. மலையாளத்தில் லோகிததாஸின் திரைக்கதையில் உருவான கி‌ரீடம் அவருக்கு புது அடையாளத்தை தந்த படம்.
நகைச்சுவை, குணச்சித்திரம், வில்லன் என கொடுத்த அத்தனை வேடங்களுக்கும் சிறப்பு சேர்த்தவர் ஹ‌னீஃபா. இவரின் இழப்பு திரை உலகுக்கு ஒரு இழப்பாகும்...

ஒன்று போனால் ஒன்று வருமாம்.. இது சினிமா துறைக்கு பொருந்தும் போல.. நடைபெற்று முடிந்த ஆஸ்திரேலியா ஓபன் டென்னிஸ் கிராண்ட் ஸ்லாம் போட்டிகளை முடித்த கையேடு நாடு திரும்பிய இந்திய டென்னிஸ் வீரர் லியாண்டர் பயஸ், மிக விரைவில் ஹிந்தி படங்களில் நடிக்க ஆர்வம் காட்ட உள்ளதாக பரபரப்பு செய்தியை வெளியிட்டு இருக்கிறார்.....

ஹிந்தி படங்களில் புகுந்து விளையாடுவாரா பயஸ்??

சோகமாய் முடிகிறது என்று நினைக்க வேண்டாம்.... இன்னமும் சுவைகளுடன் விரைவில் இன்னுமொரு டிஷ் வரும்...... காத்திருங்கள் கண்மணிகளே!!!

இளையோர்களின் இதயமே..... இனி கவனம்...

2010-02-03T10:06:00.000+05:30

தலைப்பை பார்த்ததும் ஏதும் லவ் மேட்டரோ ? அல்லது வேற கிளுகிளு செய்தியோ? என்று யோசிக்காதீங்க. உங்களை கிடுகிடுக்க வைக்கும் ஒரு அலெர்ட் நியூஸ் தானுங்கோ !!

- சிறிய விஷயங்களுக்குக் கூட நீங்கள் டென்ஷன் ஆகிறீர்களா?
- பிரச்சினையை சமாளிக்கத் தெரியாமல் அடிக்கடி சத்தம் போடுகிறீர்களா?
- எதற்கெடுத்தாலும் முக்கு நுனியில் கோபத்தை கொண்டு வருகிறீர்களா?

இப்படியெல்லாம் அறிகுறிகள் இப்போதுள்ள இளையோர் மத்தியில் ரொம்ப பேரிடம் பார்க்கலாம் என்று தெரிகிறது. அப்படி என்றால் நான் தேடும் நபர் நீங்கள்தான்.. ஆப்பு உங்களுக்குத்தான்.. எப்படி என்று யோசிக்காமல் மேல படிங்க. மேலே கேட்ட கேள்விகளுக்கு ஆமாம் போட்ட ஆசாமிகளுக்கு இதய நோய் "ஹார்ட் அட்டாக் " கண்டிப்பா வரும்...

ஆத்திரப்படும் போது அழுத்தம் (stress) அதிகரித்து ரத்த அழுத்தம் அதிகரிக்கின்றது . இதன்போது அட்ரினலின் சுரப்பி அதிகமாக சுரந்து இதய தசைகள் வேகமாக இயக்கம் பெரும் . இப்போது இதய தசை வேகமாக வேலை செய்ய ஆக்ஸிஜன் தேவைப்படும். அது உடனே கிடைக்காத பட்சத்தில் `ப்ளேட்லெட்ஸ்’ எனப்படும் ஒருவகை பிசுபிசுப்பான திரவம் சுரக்க தொடங்கும்.அவ்வகை திரவமே ரத்த குழாய்களில் படிந்து குழாய்களில் அடைப்பை ஏற்படுத்தும். இதனால் ரத்த ஓட்டம் பாதிக்கப்பட்டு, Angina பெக்டோரிஸ் (Angina pectoris) எனப்படும் மார்பு வலி உருவாகும்.

அங்கின பெக்டோரிஸ் என்பதன் விளக்கம்:அங்கின= லத்தின் மொழியில் குழாயில் ஏற்படும் தொற்று, பெக்டோர்ஸ்= லத்தின் மொழியில் மார்பு .

உணவு மற்றும் பழக்க வழக்க முரண்பாடே இதய பாதிப்பிற்கு அடிபடை காரணியாக இருக்கிறது. ஆனாலும், மன அழுத்தம் ஆகும் போது தான் அதிக பாதிப்பு இதயத்தில் ஏற்படுகிறது. கொலஸ்ட்ரால் போன்றவற்றால் ரத்த அழுத்தம் ஏற்படுபவர்களைவிட ஆத்திரம் மற்றும் டென்ஷன் அடைபவர்களுக்குத் தான் மன அழுத்தம் அதிகம். மற்ற இதயநோயாளிகளை விட `டென்ஷன் பார்ட்டிகளை’ நான்கு மடங்கு அதிகமாக இதயநோய் தாக்கும்.

அமைதியாக செயல்படுபவர்களுக்கு பொதுவாகவே எந்த உடல் பாதிப்பும் வருவதில்லை. அவர்களின் உணவு, பழக்க வழக்கங்களில் மாற்றம் இருந்தால் மட்டுமே பாதிப்பு ஏற்படும். ஆனால் எதற்கெடுத்தாலும் கோபப்படுவோருக்கு மன அழுத்தம் ஏற்பட்டு, பல நோய்களுக்கு அது திறவுகோலாகிறது. இளைய தலைமுறையினருக்கு அதிகளவில் இப்போது மன அழுத்தம் ஏற்படுவதாக தற்போதைய ஆய்வுகள் தெரிவிக்கின்றன.

பி.கு : என் போல இளசுகளே.... இனி நோ டென்ஷன் ப்ளீஸ் !!!......

"தமிழ் படம் " ஒரு பக்கா தமிழ் படம் ... திரை விமர்சனம்

2010-02-02T17:35:00.000+05:30

"தமிழ் திரைப்பட வரலாற்றில் முதல் முறையாக" என்ற பதத்துடன் எத்தனையோ மசாலா படங்கள் வந்திருந்தாலும், அவை அனைத்திற்கும் முன்னோடி இந்த தமிழ்படம்

எப்படி எல்லாம் படம் எடுத்தால் ரசிகர்களை கவரலாம் என்று ஆண்டாண்டு காலமாக இருந்துவந்த ஒட்டுமொத்த திரைப்பட கலாச்சாரத்தை உடைத்து எறிந்துள்ளது இந்த படம்.

புதுமுக இயக்குனர் C.S.அமுதன் கதை (?!) திரைக்கதை , எழுதி இயக்கிய இந்த படத்தில் திரை அரங்குகளில் வெளியாகி சக்கை போடு போட்ட பிரபலாமான படங்களான "தளபதி " , "அபூர்வ சகோதரர்கள் ", "அந்நியன் ", "பாய்ஸ் ", "மொழி ", "காக்க காக்க " , "சிவாஜி " உள்ளிட்ட படங்களின் கடை கருக்களை கொண்டு திரைக்கதை அமைத்து இருப்பது புதுமையாம். (சொல்லிக்கிறாங்கோ.. ).

ஒட்டுமொத்த புதுமுகங்களின் கூட்டாட்சியில் சினிமாவிலும் புதுமை அரசியல் விளையாட்டை விளையாடி இருக்கிறார் தயாரிப்பாளர் தயாநிதி அழகிரி.

அனைத்து தமிழ் சினிமா கதாநாயகர்களின் ஒன்றுசேர்ந்த உருவமாக வலம் வந்துள்ள கதாநாயகன் சிவா, எல்லா மாஸ் ஹீரோக்களையும் தூக்கி சாப்பிட்டு ஏப்பம் விடும் கெட்டிக்கார பக்க மசாலா ஹீரோவேதான்..
நாயகி திஷா பண்டே நடிப்பிலும், தமிழ் பேசுவதிலும் சுமாராக இருந்து, படத்தின் கதாபாத்திரமாகவே வாழ்ந்து காட்டி இருக்கிறார்.

இந்த படத்தில் நடித்துள்ள ஏனைய இளம் (?!) ஹீரோக்கள் விடயம்

வெண்ணிற ஆடை மூர்த்தி = பரத்
மனோபாலா = சித்தார்த்
M.S. பாஸ்கர் = நகுல்

புதிய இசை அமைப்பாளர் கண்ணன் பின்னணி இசையிலும், பாடல்களிலும் பின்னி எடுத்து இருக்கிறார். குறிப்பாக "ஓ மகசீயா " பாடல் இதுவரை வெளியான அணைத்து அமில் படங்களிலும் வெளியான பாடல்களில் உள்ள புரியாத அர்த்தங்களை மட்டும் வைத்து உருவான பாடல்.

மேலும் நீண்ட காலமாக தமிழ் படங்களில் தலைகாட்டாத நடிகை கஸ்தூரி "குத்து விளக்கு " என்ற பாடலுக்கு குத்தாட்டம் போட்டு ரசிகர்களை குஷிபடுத்தியிருக்கிர்றார் .

பயம் அறியாத இளம் கன்றுகளின் ஒட்டுமொத்த கும்மியாட்டம் = தமிழ் படம்.....

இலங்கை செய்திகளும் இந்திய ஊடகங்களும் !!!...

2010-01-28T22:11:00.000+05:30

ஒரு மாதிரியாக ஜனாதிபதி தேர்தல் முடிவுக்கு வந்தாகிவிட்டது. மீண்டும் அதி மேதகு ஜனாதிபதி மகிந்த ராஜபக்ஷ தமது பதவியை தக்க வைத்துகொண்டதுடன் , மேலும் ஆறு வருடத்துக்கு அசைக்க முடியாதபடி சிகரத்தை தொட்டு விட்டார்.
ஒரு புறம் தேர்தலின் சூடு தனிய தொடங்கி விட்டாலும், நேற்று ஊடகங்களில் இடம்பெற்ற சில "பரபரப்பு" செய்திகளின் தலைப்புக்கள் இனமும் தணியாத வண்ணம் உள்ளது. அதிலும் வெளிநாட்டு ஊடகங்களின் செய்திகளின் சுவாரஷ்யம் இப்போது நினைத்தாலும் சிரிப்பகத்தான் உள்ளது.

முக்கியமாக நேற்று எங்கள் வீட்டில் நடந்த ஒரு சம்பவம் என்னை ஒரு ஊடகவியலாளராக யோசிக்க வைத்து விட்டது..

வீட்டில் அனைவரும் தொலைக்காட்சி பெட்டி முன்னாலும், கணணி முன்னாலும் அனல் பறக்கும் தேர்தல் முடிவுகளை அரக்க பறக்க அறிந்தபடி இருந்தோம். அப்போது என் தந்தைக்கு , இந்தியாவில் உள்ள எனது பெரியப்பாவிடம் இருந்து ஒரு அவசர அழைப்பு வந்தது. மறுமுனையில் அவர் "நாட்டில் ஏதும் பிரச்சனையா தம்பி? எங்களுக்கு ரொம்ப பயமா இருக்கு! சீக்கிரமே எல்லோரும் ஊருக்கு வந்து சேருங்கப்பா.." என்றார். அப்பாவும் "அப்படி ஒன்னும் பெரிய பிரச்னை இல்ல அண்ணா , உங்களுக்கு யார் சொன்னது?" என்று கேட்டார். பெரியப்பா உடனே "இங்கே சன் டிவி யில் எல்லாமே காட்டுறாங்க " என்றார்.
நாங்களும் உடனே அந்த தொலைக்காட்சி சேவையை பார்க்க தொடங்கினோம் . அதில் காட்டப்பட்ட செய்திகளும், போடப்பட்ட தலைப்புகளும் உண்மையில் நங்கள் இருப்பது இலங்கையிலா? அல்லது வேறு உலகத்திலா? என்று யோசிக்க தூண்டியது.

ராணுவத்தினரிடையே பிளவு
நாட்டில் பெரும் குழப்பநிலை...
மீண்டும் யுத்த அபாயம்!!!...

இவைதான் அந்த தலைப்புக்கள். உடனே என் பங்கிற்கு என் நண்பரிடம்(அவர் ஒரு அறிவிப்பாளர்..) இது பற்றி என்னவென்று கேட்டேன். அவர் சிரித்தபடி, "இதுதான் சைலூ இந்தியன் ஜேர்னலிசம் .." என்றார்.

உண்மையில் ஊடகம் என்பது ஒருவித போதைதான். அது மக்களை மயக்கும் அதீத ஷக்தி கொண்டது..அப்படிருக்கும் போது செய்திகளை சுவாரச்யமாக்கவென திரிபுபடுத்துவது அனைவரையும் தப்பான வழியில் வழிநடத்தும், அத்துடன் அவை எவ்வளவு பாரதூரமான விளைவுகளை ஏற்படுத்தும் என்பதை யாரும் மறுக்க முடியாது..

இதில் உண்மை எது , பொய் எது என்பதை அறியாமல் குழப்பத்தில் அனைவரையும் ஆழ்த்தும் ஊடகத்தினை குறை கூறுவதா?, அல்லது அவர்கள் சொல்வது உண்மையோ என நம்பி நம்பாமல் இருப்பதா???

பி.கு : "யாரைத்தான் நம்புவதோ பேதை நெஞ்சம்...."

தமிழர் தலையில் துண்டு!!.....

2010-01-27T14:18:00.000+05:30

இதுவரையில் கிடைத்த தகவலின்படி 2010 ஆம் ஆண்டு ஜனாதிபதி தேர்தல் முடிவுகள்

ஐக்கிய மக்கள் சுதந்திர முன்னணி வேட்பாளர் மகிந்த பெற்றுக்கொண்ட வாக்குகள் : 5, 927, 717. (57 .89%)
புதிய ஜனநாயக முன்னணி வேட்பாளர் சரத் பொன்சேகா பெற்றுக்கொண்ட வாக்குகள் : 4, 110 , 176 (40௦ ௦.14 %)

இம்முறை வெளியான தேர்தல் முடிவுகள் பலருக்கு ஆச்சர்யத்தையும் , குழப்பத்தையும் ஏற்படுத்தி உள்ளது. அதிலும் தமிழர்களின் பெரும்பான்மை வாக்குகள் ஜெனெரல் சரத் பொன்சேகாவை சார்ந்து இருந்தாலும் அவருக்கு கிடைத்தது என்னவோ தோல்வி முகம்தான், அதிலும் அவரைசுற்றி பல குழப்பங்களும் குளறுபடிகளும் ஊடகங்களுக்கு தீனி போட்டவண்ணமே இருக்கின்றது . (நமக்கு ஜாலிதான், செய்தி கிடைக்குது இல்ல!!! ).

நேற்று வாக்களித்த சூடோடு டெல்லிகு பறந்த மஹிந்த , அங்கு ரகசிய பேச்சுவார்த்தைகளை நடத்தியுள்ளதாக பல இணையங்கள் செய்தி வெளியிட்டுள்ளன. அத்துடன் கம்பளை நகரில் குழப்பநிலை நிலவுவதுடன் , அங்கு வாக்கு எண்ணிக்கை ஸ்தம்பித்து உள்ளதாக தெரிகிறது.

போத குறைக்கு இராணுவ பாதுகாப்புகள் முடக்கிவிடபட்டுள்ளதாகவும் தெரிகிறது.

மொத்தத்தில், ஏதேதோ எதிர்பார்த்துகொண்டிருந்த தமிழர்கள் தலயில் துண்டு விழுந்ததுதான் மிச்சம்!!!

ரிலாக்ஸ் ப்ளீஸ்!!!....

2010-01-25T20:33:00.000+05:30

ரொம்ப நாட்கள் கழித்து ரிலாக்ஸ் ஆக இந்த பதிவை இடுகிறேன்.இடையில் கொஞ்சம் வேலை பளுதான் காரணம்!.. இந்த பதிவுக்கும் அதுதான் காரணம்.
பொதுவாக நாங்கள் வேலை செய்யும் கால அளவு ஒரு வாரத்தில் 40 மணித்தியாலங்களாக இருப்பது மட்டுமே சிறந்தது என்று ஆய்வாளர்கள் கூறுகிறார்கள் .

இன்றைய சமுதாயத்தில் சொந்தமாக தொழில் செய்பவர்களாக இருந்தாலும் சரி… அடுத்தவர்களிடம் வேலை பார்ப்பவர்களாக இருந்தாலும் சரி… குறிப்பிட்ட அளவில்தான் உழைக்க வேண்டும். வாழ்க்கையே உழைப்பு ஆனால் பல்வேறு பிரச்சினைகள் ஏற்படும் என்கிறார்கள் ஆய்வாளர்கள்.
ஒரு வாரத்திற்கு 40 மணி நேரம்தான் உழைப்புக்கு செலவிட வேண்டும். உடல் உழைப்பை வெளிப்படுத்தி செய்யும் வேலையாக இருந்தாலும், சிந்தித்து செய்யும் வேலையாக இருந்தாலும் இந்த கால அளவை தாண்டி ஒருவர் வேலை செய்வது அவருக்கு நல்லதல்ல என்கிறது இந்த ஆய்வு . வாரத்திற்கு 40 மணி நேரத்தையும் தாண்டி வேலை செய்தால், அதனால் ஏற்படும் பாதிப்பு உடனே தெரியாது என்று கூறியுள்ள ஆய்வை மேற்கொண்டவர்கள், நடுத்தர வயதை கடந்த பின்புதான் இந்த பாதிப்பு உங்களுக்கு தெரிய வரும். குறிப்பாக, முளையின் சுறுசுறுப்பு குறைய ஆரம்பிக்கும் என்றும் எச்சரிக்கிறார்கள்.

அவர்கள் மேலும் கூறும்போது, சாப்ட்வேர் நிறுவனங்களில் வாரத்திற்கு 5 நாட்கள் வேலை செய்பவர்கள் தினமும் 10 மணி நேரத்துக்கு குறையாமல் வேலை செய்கின்றனர். இதனால்தான் இவர்கள் எளிதில் சோர்வடைகின்றனர், மன அழுத்தத்துக்கும் ஆளாகின்றனர். அதில் இருந்து விடுபடத்தான் விடுமுறை நாட்களை ஆட்டம், பாட்டம், கொண்டாட்டம் என்று கழிக்கின்றனர் என்றனர். நீங்களும் 40 மணி நேரத்தையூம் தாண்டி அலுவலகத்தையே கட்டி அழுபவர் என்றால் இப்போதே உஷாராகிவிடுங்கள். இல்லையென்றால்… பிரச்சினை உங்களுக்குத்தான்!!!

பி.கு. : கண்டிப்பாக இது "வேலை செய்பவர்களுக்கு மட்டுமே பொருந்தும் "

தத்துவம் மச்சான்ஸ்!!!.....

2010-01-12T17:30:00.000+05:30

வழமையாக அரசியல், டெக்னாலாஜி , ஆலோசனை என்று அரைத்த மாவையே அரைப்பதை நிறுத்திவிட்டு கொஞ்சம் என்டேர்டைன்மென்ட்டாக அதாவது ஜாலிக்காக ஒரு பதிவு ...

என்ஜாய்...!!!

அண்மையில் நான் ரசித்த தத்துவ முத்துக்களும், ஜோக் என்ற பெயரில் கிடைத்த இம்சைகளையும் என் கமென்ட் உடன் தருகிறேன் .(நான் பெற்ற துன்பம் பெருக இந்த வையகம் என்ற நல்ல எண்ணம் தானுங்கோ!!!)

............................................................................................................................................

அரசியல்வாதி: நாங்க எல்லாம் அரசியல்ல பழம் தின்னு கொட்டை போட்டவங்க.
மனோகர்: எல்லா பழத்துக்கும் கொட்டை இருக்குமா?
அரசியல்வாதி: ஆமாம்பா.
மனோகர்: அப்போ பொன்னம்பலத்துக்கு?

(மை டாடி பாவம்!!!)

....................................................................................................................................

காதலன்: ஆபரேஷன்ல நான் இறந்துட்டா இந்த டாக்டரையே நீ கல்யாணம்
பண்ணிக்கணும். எனக்காக செய்வியா?
காதலி: ஏன் இப்படி பேசறீங்க?
காதலன்: வேற எப்படி அந்த டாக்டர பழிவாங்கறது?

(நல்ல மனசுகாரன் )
...................................................................................................................................

நம்ம தலைவரை நெடுஞ்சாலைத் துறையிலிருந்து விமானப் போக்குவரத்துத் துறை அமைச்சராக்கினது தப்பாப்போச்சு .. ..

ஏன்யா .. .. ?

ஏர்போர்ட் ரன்வேயில விமானங்களெல்லாம் ரொம்ப வேகமா வருது. அதனால, ஏகப்பட்ட ஸ்பீட் பிரேக்கர் போடணும்னு அடம் பிடிக்கிறாரு.

(தல போல வருமா? )

.........................................................................................................................................

கமலா : மாமியார் முகத்துல அயர்ன் பாக்ஸை வச்சு தேச்சியா .. .. ஏன் ?

விமலா : அவங்க தான் முகத்துல சுருக்கம் விழுதுன்னு கவலைப்பட்டாங்க!

(சூபர் டிப்ஸ் )
........................................................................................................................................

துடிப்பது என்

இதயம்தான். ஆனால் அதன்

உள்ளே இருப்பது நீ.

வலித்தால் சொல்லிவிடு.

நிறுத்தி விடுகிறேன்.

துடிப்பதை அல்ல. இப்படி

ஓவரா ரீல் விடுவதை.

(நீ என் இனமடா!!)

........................................................................................................................................

எவ்வ்ளோ கஷ்டம்

வந்தாலும் லைஃப்ல ஒரு

விஷயத்தை மட்டும்

எப்பவுமே

மறக்கக்கூடாது.

சாரி அது என்னன்னு

மறந்துபோச்சு.

நாளைக்கு சொல்றேன். !!!!!!!!!